9月13日
係我表哥louis同佢女友Iris(而家係太太啦)註冊結婚的大日子.
婚後佢哋就會喺加拿大生活啦..
出年5月先返嚟香港擺酒..

所以昨晚我哋成家去食一餐簡簡單單的飯局恭賀佢哋.
雖說簡簡單單的飯局.
意義卻重大... 氣氛也很和諧 在酒樓的一個偏廳入面.
時常都聽到舅父的笑聲 笑話..
表哥佢不嬲都好斯斯文文 又係乖仔一名..表嫂真係幸福呢..

席上面 有一個antie好識搞氣氛 再加上佢好早就飲咗好幾杯紅酒..
有少少醉意 說話起來就更加放 同搞笑.
我哋兩公婆素未謀面 但呢位antie就同我哋做咗免費算命 贈我哋幾句.
佢知道我有咗bb 就同我講..
話我好生養啦 愈生愈旺夫啦 又同我老公講 佢有波士相啦.
又話老公桃花旺 不過老婆治到佢啦..

跟住連講好多次 我呢一胎之後 起碼仲可以有兩個仔
再不斷重覆我老公有波士相...
哈哈 笑到成枱人都有d唔好意思...
可能呢位antie真係太開心啦.

食完飯 影吓相 跟住返屋企啦..下面有好幾張相..

老公 同我 一對新人(表哥同太太Iris) 妹妹
坐下的當然是長輩 我爸爸同媽媽啦..

唔記得咗 仲有bb喺我肚肚度..

表哥 表姐 妹妹 同我
我哋四個其實好少見面的..
因為表哥同表姐喺外國讀書..工作.一年都先會返嚟一次..
通常都係新年 或者聖誕節..
所以唔算好熟絡.
不過又未至於無兩句gei..

我比妹妹的情況會好d 因為佢哋係中學先去讀書..
所以細路仔嗰陣 都有同表哥表姐玩架.
不過佢哋成日整估我架..大個諗返都幾嬲架!!!又好搞笑囉.

而家大家都大個晒啦 除咗妹妹仲讀緊書.
我哋都去咗人生令一個階段..時間真係過得快呢.
(不過仲有排做 未有耐退休)

表姐winsie 同我

表姐好靚女架 不過呢張相蒙咗d ..
我同妹妹都好欣賞佢對時裝的觸角..^.^
雖然唔係成日見 但每次見到佢 都令人眼前一亮

表哥louis 同我.

喺表哥隔離 我好細粒呢 仲有大住個肚 ..
有d未成年感覺..哈哈..

老公第一次以女婿身份 跟我去出席呢種場合..
嗰位antie叫老公唔好蝦我.
叫岳父(即係我老豆啦) 睇實呢個女婿.

爸爸話: 哦,,佢都好錫老婆gei..

哈哈 爸爸喺公開場合讚老公呢 好少有....

食到尾聲 一定唔少得呢樣.
生果拼盤..

而家我九個月 可以食得西瓜啦...
應該話 成個生果盤ge生果 我都食得啦....所以 呢一刻 係我最快樂gei.
呢晚飯局真係輕輕鬆鬆咁渡過..
嗰位antie應呢餐為”預飲”
出年五月正式嗰陣 再”飲”過..!!恭喜恭喜