最近好無聊咁.玩報紙gei遊戲.
平時我只會玩吓圈錯處嗰d..

有日太得閒 時間太多 就玩吓sudoku啦..
點知 而家玩到等唔切報紙每日出題嗰d game
要上網download落嚟玩..
仲好沈迷添 初初玩嗰陣 因為未太明白個中秘決..
所以一玩可以玩好幾個鐘.
而家好d啦 一填到晒所有數字嗰陣 好有成功感..

尋日仲要老公同我鬥快拆d數字添..
佢玩咗一陣 無耐性 無玩到lu..
不過我遇到拆唔到嗰d位 咁老公都會幫吓我填一兩個數字gei.
同埋要佢解釋吓 點解呢個數字會放喺呢度呢..咁.
我覺得好似中學做數咁呀..呢種感覺都幾搞笑

其實sudoku呢樣嘢 之前有陣子好興的..不過 我嗰陣見到d數字都頭暈啦.
邊有咁好耐性玩d咁gei嘢.
反而我個妹就日玩夜玩.

可能而家我太得閒啦 加上我又諗 bb喺我個肚度.
咁都可以當係胎教gei一種呀 等佢對數字敏感d 咁成績咪好d囉.
(不過又唔駛好似沈c君咁 要做神童)

返埋呢兩個禮拜 我就開始放產假啦..~
時間真係好似過得好快..

月尾中秋啦 年年都會同爸爸媽咪呀妹玩燈籠 食月餅
(如果唔陪爸爸 佢會嬲架)
今年都唔知點去玩燈籠添 我講嗰種玩 真係好似d小朋友咁
當然唔會煲蠟啦 不過會用d蠟燭切下字咁囉.
講吓講吓 好想食月餅添..~^.^~