昨天又係產檢的時候啦．

上一次產檢時　醫生話我體重不單唔達標 仲有跌磅的現象.
雖然BB發育良好 但係若過輕 情況都會令人擔心 可能需要轉介專科...

一聽到要轉介乜乜 .. 就好得人驚.
所以我呢兩個禮拜真係狂食嘢 起碼返媽咪度食飯比之前密咗.
目的就想增磅啦!!不過我曾有一個蠢諗法.
因為每次產檢磅重時 我都係背住姑娘 由我講磅數俾佢聽做紀錄.
如果一旦上磅時真係同上次一樣的話 我就會作大個磅數架啦.!
之後最後咪作大落去囉.
諗返都幾傻.!!

不過 真係好開心.天主保佑
昨天上磅時 我重咗1公斤呀...^.^
由原本的46.7 升到 47.8 即係成105磅架啦.....
又唔駛作大 又唔駛去專科. 真係開心到想由個磅跳出嚟.!

嚟緊兩個禮拜後 又要產檢啦 希望磅數一路一路咁升 唔好再跌啦.
我要繼續努力 食多D 食多D 食多D啦..