因為公司關係 俾咗兩張"ticket"我.
我就同老公去見識吓泰牶..

講真我第一次現場睇呢類賽事.
如果平時喺屋企 電視播呢d嘢 我一定轉台.

不過 估唔到都幾剌激wo 雖然我哋坐的位置都算係山頂位.
但係"新伊館"本身唔算好大 所以都睇得幾清楚.
一共係有12場賽事 有幾場都幾好gei.
我發現原來我都幾暴力架wow 尤其喺睇到好肉緊嗰時
最希望睇到一嘢K.O場面
不過可惜成晚就無呢一刻睇啦..

睇到好肉緊時 B女仲會喺肚入面踢我添..
唔通佢又係入面練緊拳??

成晚係臨尾話明super fight的三場比賽反而差d囉.
仲有一個泰仔. 身型超肥 一D都唔似打拳GE,
場內觀眾見到佢 好唔LIKE呢..!

想知多D可以去呢個網址 <唔係我公司GEI網頁>
http://twinsboxing.com.hk/news/libogen_2007_8_list.htm

老公同我都係第一次睇呢類賽事咋..
睇晒全部賽事都12點幾LU..

公司話會再搞第四回 我都有D期待想睇呢.!!

唔好介意D相俾較MON.
山頂位影到係咁上吓架啦..

相中 呢兩位人兄正在跳正宗泰拳舞呢.
呢樣都較為有特色GEI嘢.

呢個係另一個場地的實況.<<美食博覽會>>
又係因為公司關係 俾咗兩張"TICKET"我.
我同老公喺去睇搏擊之前.
就去會展呢個場地 同一班唔識GEI人迫埋一堆.

如果唔係有免費"飛"
我諗我唔會去囉..
入到去 太多人啦 太危險啦..
只見好多師奶攞住一架二架車仔 搶購好多即食麵 鼓油.....

我哋買咗幾包零食 行咗一個鐘到 就出返嚟啦.
行咗九個字 先去到下一站 新E館.

但可以肯定 我唔會再去美食博覽..!!!!!
唔係我想像嗰回事...

去咗成日街 返嚟 真係累到死得了.
順帶一提 我又可以返返工啦 已經返咗幾日..
就喺我話好慘好慘的第二日 我同事打嚟話
公司而家安全啦 可以返嚟啦.

就係咁 我告別了悶到發MO的日子啦....
成個人都SHARP晒.^.^