自從上個星期尾 公司大廈電路爆炸之後.
我到今日 仲未可以返得工呢.

聽同事講返 走廊空氣不足 電力供應有限.
各廠戶都用自己的發電機 而令到空氣更差 還有陣味..
寫字樓是勉強可以運作的
但係 老板基於安全理由 叫我都係安坐家中.
等公司的運作 同電力正常返 先去返工好些吧..
因為 唔怕一萬 就係萬一我返去有咩事 又遇上停電的話..
很多意外 係好難估計的...佢哋要負的責任可能好大獲添.

所以 我呢個星期都應該未返得去架啦.唉...
好悶呀>.< 我真係覺得 唔返工gei日子 好難過..
又無人得閒同我去街 屋企嘢我又無乜嘢可以做..
可以做的 我都做晒了..>.<望住個鐘過日子 真係幾可憐.

有d朋友話 咪當休息吓囉.
但係我想講 我無病無痛 又未生得 因乜嘢要休息咁多先..
一個人漫無目的 等待永遠係最痛苦的.
如果唔係 我都唔駛喺呢段時間搵半日工做啦..
就係唔想自己太過得閒.. 我知 有d朋友做嘢都做到死死吓.
休息對佢哋嚟講 真係唔知乜嚟 .
但係 對於我一個完全無嘢做gei人嚟講 都係好痛苦.
我話 如果我d朋友 或者我老公 可以將佢哋做gei嘢 分d俾我做就好啦.

我真係希望 公司快d回復正常 我可以返去做嘢.
無嘢做對我嚟講 真係太殘忍啦....>.<