8月7日 妹妹同我去產檢.
係佢自己GEI牛一呀.
呢個慶祝活動很有意義呢 晚上佢就有佢GEI飯局.
本來諗好8月8日點同老公慶祝.
但係呀妹才醒覺 自己其實要返工.’
所以原本GEI計劃要擱置啦.

不過妹妹又唔想無得同姐夫慶祝生日WOW .
於是就諗咗以下的SURPRISE啦.
就係” 晚上12點鐘 來到我們家送蛋糕”

哈哈. 呢個計劃都叫成功..喺佢哋未嚟之前幾個鐘.
我同老公都喺廳睇電視
呀妹係咁打俾我 問我買咩蛋糕好 買咩禮物好
我坐喺老公隔離都唔知點講.又驚露出馬腳..

最好笑係 11點45左右 老公話肚餓要食杯麵
但係個蛋糕就嚟啦WOW 我又唔知講乜借口叫佢唔好食.
結果 佢仲整熱埋D叉燒添.

11點55分 呀妹SEND個SMS話我知 佢喺門口點緊蠟燭啦.
搭正12點 門鐘響了 老公問: 咁夜邊個呢?
我扮晒嘢咁話: 係囉 邊個呀 你快D開門睇吓啦..(然後忍笑)
老公開門 見到呀妹同石康(老公的朋友)
好好笑呢.

佢哋入嚟之後 我哋唱生日歌 無耐就食蛋糕啦.
跟住就講返呢個計劃俾老公知.
老公生日 我就只能有限度的 製造了這個小小驚喜.^.^
希望老公開心啦.
仲有 真係好多謝呀妹 同石康的配合.
特別係呀妹 佢話從未試過 自己生日嗰日 去買生日禮物同蛋糕俾人哋WOW.
呀妹 你真係乖呀.
嗱 你份生日禮物 我哋兩公婆後補啦..
因為真係唔知送俾好.

大約兩點幾 石康走啦 因為佢第二朝係要返早的 都算唔話得!
至於呀妹 就當然留喺我屋企啦.
第二朝 食埋早餐先去返工
最後再講多句啦 老公 生日快樂呀.!!!仲會有驚喜的.

老公 喺度許緊咩願望呀..??

呢幾個牌仔係我喺老公落街時整的..
可能時間關係 唔算好精美 不過 都係我小小心意嚟GE.

手機的自拍功能 曚曚哋.
不過 仲記得影嗰時係充滿笑聲GEI.

左 右兩邊嗰兩隻黃金戰士 就係老公今年的生日禮物.
中間嗰隻 係上年的生日禮物.

話說一套係有六隻的 哈哈 其餘嗰三隻
唔知佢會唔會自己買埋 定係等人送呢.

呀妹仲送咗個曼聯紀念波俾佢架 不過無影到啫^.^
另外 多謝石康你盒燕窩 真係好啱我.HEHE