前幾晚 喺廚房見到我最唔想見到gei嘢.
~小強~~~~~~~~~

因為呢隻小強 攪到我大發皮器 講返出嚟都幾好笑.
話說我見到隻小強之後 咁我第一個反應當然係大叫 .
然後叫老公入嚟攪掂佢啦..
隻嘢好快就閃咗入水渠門隙度 老公就用報紙塞住條門隙..
咁我梗係唔收貨啦. 隻嘢都"未解決"
我火速咁關埋廚房門 困住我老公 要佢整死佢為止..
老公無咁做 話捉唔到佢啦.....仲好嬲咁話: 邊個人屋企會無小強架..!!
我哋就嘈起上嚟啦 我走入我妹間房
同呀妹講: 我要返屋企..屋企媽咪會幫我整死小強gei!!!!!
點知呀妹答我: 屋企有老鼠架wo....你係咪返先...

為咗呢隻小強 我嘈咗成晚 又怪老公唔洗地...之餘此類.
為咗呢隻小強 我唔同老公瞓 走咗去同呀妹瞓...
為咗呢隻小強 我喊到聲沙埋 眼又痛..

第二朝起身諗返 覺得之前一晚真係好無聊..
走返入去自己間房 老公一見到我 即刻錫返我.....(我好內疚)
其實最慘都係我老公..
無情情俾我閙到咁..或者大肚婆真係皮器臭d(不過過多幾個月無得懶啦wow)
一日都係小強啦 ... 死嘢..!!!!

唉 邊個屋企無小強架..??