哈哈..咁八掛架..?
呢張相嗰兩個人 似唔似喺度偷情呀?

上個星期五 我同老公要去醫院聽產前講座..
之前就去吉野家食咗飯先..
食食吓 見到面前嗰塊鏡.
我突然覺得個感覺就好似人哋偷情咁呀.!
見咁搞笑 咪即刻影底佢囉..哈哈.

好想講吓個講座內容呀..
當晚好多人呀 有300幾人..
乜咁多人生bb架咩真係..!
而當晚其中一part 就係講老公陪產計劃內容..
個護士再三強調 如果老公心血小 怕血的話..最好唔好陪產啦..
因為暈咗嗰時 無人得閒理佢哋..老婆就最好尊重一下老公啦..
之後 仲俾咗一段生仔過程的真實片段俾在場人士睇.
當影住個bb頭仔準備出來時..全場嘩聲四起..慘叫尖叫乜都有.
場面都幾好笑.!我都有份嘩...但係當bb成功出世嗰一刻..
全場人又拍起手來..睇住呢個片段..
再諗起自己將會有呢一刻時 又驚 又覺得好有意義..
不過 生仔看來真係好痛咁呀.!