呢個喜訊 我好想講好耐架啦..
啱啱過咗十三週 而家就同大家分享我哋GEI喜悅啦..

在這幾個禮拜 忍住唔講俾人知 ..
原來好難架..
因為 實在太開心了..
有幾個有睇我日記的朋友仔話我知 佢哋估到D嘢..
預先恭喜咗我 多謝你哋先..^.^


當初知道時候 其實好意外 因為我哋無PLAN係今年架..
都無諗過係金豬BB..
不過 當真係再三證實之後..
老公話 開開心心咁迎接佢啦..^.
我之前無PLAN 因為我想等我個身體好D先..

而家佢嚟咗 我又補唔初 所以最初真係好擔心架..
加上我的妊娠嘔吐得好厲害..食乜嘔乜 無食嘢都嘔..
前嗰排 嘔到胃出口添..差D就要入醫院..

好在天主保佑 而家無事啦
上面嗰張相 係我前幾日照超聲波影的..
BB而家有6.56CM 可以見到佢個頭仔
同埋眼 鼻仔架..一團嘢就唔知係咪身體啦..

預產期係十月中 即係仲有半年度啦 BB就會出世啦..
真係好想好想好想快D見到佢..
之前我POST咗首歌 - 謝安琪的"第一天"
我而家先知 係佢對肚裏面BB的心聲..
我每次聽 都好能代表到我的心情呀..

但係話俾大家聽 要戒口的日子 真係好難過架..
老公又要受我的脾氣 本身都唔係咁好..
佢有好多嘢都唔俾我食 但係有時都破例俾我食小小..
哈哈 好似前幾日的元氣 就係佢讓步架啦..

所以 將來BB係男係女 真係無所謂 最緊要健康 最好乖D啦 咁就安落啦..
靚唔靚 叻唔叻 後天培育啦..

不過可以肯定的 如果係男的話 .
老公就會教佢踢波 如果係女的話 就會錫到佢燶 ..
咁我個BB一定會錫爸爸多D..

呢張係第八週嗰時影的..
基本上好似粒豆咁..得1.36CM..
幾個禮拜就大咗好多架啦..

當時第一次見到 真係心跳加速呀...