年初五 有五個同事上來拜年 我呀妹都走嚟埋....打邊爐
D妹妹仔同事真係好鬼可愛 喺我屋企周圍影..擺甫士..話好靚WOW..
飲飽食醉又打咗陣麻雀 又一晚.

年初六 契女帶埋爸爸媽媽 仲有表哥仔同姨姨上來拜年..
我哋煮咗五餸一湯 招呼佢哋 好在有契女爸爸幫我蒸條鯇魚
忙到不得了 不過食到大家都飽晒 好滿足..
飯後小朋友玩波子琪 大人又打咗一陣麻雀 十二點幾就散啦..

年初七 人日 人人生日WOW...
中午嗰陣 李小兔帶咗個朋友仔上來一齊逗利是.
老公煎咗D年糕俾佢哋食..無幾耐KAREN又來到啦...
李小兔走先有下場 老公就去教小朋友踢波..
KAREN就陪咗我一個下午 講下D少女心事咁 ..跟住佢就回家了..
晚上 老公D朋友架到.. 呀佳帶咗好大盤魚生來
可惜我唔食得..得個望同恨字..嗰刻都幾SAD...
不過一開枱 就無事啦...麻雀真係能醫百病呀!!!!!

年初八 預告.
晚上約咗姨媽們食飯 終於有利是收返啦..呀呀..!!
是日雀局暫停

年初九 預告
公司啟市 .............................待績.

重要消息:
日前喺娘家發現的MICKEY 終於喺年廿九下午於一塊老鼠膠上被捕.
娘家目前已安全 可以返去食飯了...