前幾日 陪姊妹karen去花園街買嘢..
佢最近拍緊拖呀..!!!
就嚟聖誕 一條溫暖牌頸巾當然唔小得啦...
方麗娟都係咁話:"我出鼓油 佢出雞啫"
karen知道我對溫暖牌都有d研究..所以請咗我做今次軍師啦..

我地去到花園街一間樓上鋪..
嘩 好多選擇呀 又多人(全都是女仔)
我心諗 d男仔真係幸福啦..不過唔排除有d係織俾媽咪爸爸..
呢個比例應該較少啦..

karen選購咗好耐 三心兩意 做不到決定..
在不同冷球中走來走去..
經過千揀萬揀 終於選到心目中的雙色啦..!!!


由於時間緊迫(我約咗屋企人食飯) 所以我地選擇咗喺
花園街附近一個公園度 嗱嗱聲幫佢手 撓好d冷 同埋起針..
教埋佢點織先走..
佢好開心呀,...!! 我話 以下時間 就係你同條頸巾拼摶啦..!!
我去到餐廳嗰陣 佢地已經食得飽飽了..
真係唔好意思啦 幫人係我最鐘意做的東西嘛..!!

見karen咁努力 自己都忍唔住 再重拾起 半年前
諗住織俾老公的冷背心(但係未織完 放埋在一邊)
繼續織埋佢..!!
頸巾就織過數條了 冷背心 都是生平第一次咋..
其實 真係要好有心機同時間...

本來諗住秘密進行 之前做過好多方法 但係終被發現了..
喺同一間屋 點秘密呢..?

無計啦 希望織好咗 靚的話 咪係驚喜囉..!!