剛剛過去的星期六 妹妹來了我家 同我老爺佢地一家人食飯.
而星期日渡過一個下午 然後一起回太子 和媽咪吃飯..

妹妹今個星期是測驗週..所以佢帶埋d書來溫.
佢最怕的科目是中史 可以說是放棄態度對中史..
雖然讀書時期的我 對中史都唔多鐘意..
但係我都好想幫吓佢溫中史...於是 我想出一個方法..
就係同佢講故事 同埋做話劇的形式 溫咗"南京條約""鴉片戰爭"的課文..
例如 妹妹做林則徐 老公係英軍 我就係道光皇帝咁..
在輕鬆的時候將整個書本課文做出來.開頭都覺得好似在玩..
但係的確妹妹都可以將要測的部份講返出來.
到我昨天看佢的blog 佢話南京條約嗰部份答識晒..
我唔係要佢高分 佢話好多謝我地同佢溫書
其實 佢肯俾我幫佢溫書 已經好感動啦..............!!

今晚 妹妹仲主動話我知 派咗d測驗卷成績 知道佢現在終於為學業而努力.
真係好安慰 仲記得 幾年前 成日為佢讀書d嘢而擔心..
又驚爸爸媽媽處理唔到..有時仲會諗 嫁咗就唔理佢咁多
反正佢都唔想我理 ...但係呢個學期開始 妹妹主動同我傾計..
同我講選科問題...所以 和妹妹的關係都好咗好多..
可能唔係一齊住 見面少咗 話題反而多咗...
所以有時妹妹星期六來我家 妹妹為自己打算 實在太好了...