今日係三日假期的最後一天..
我們選擇了到濕地公園一遊...

之前聽收音機講過 濕地公園開業至今半年時間
已經突破了預期一年時間的人數
我們身為香港人 梗係要去看吓..

就算唔好睇 都可以同人分享吓 點解唔好睇嘛..

入場之前喺門口買咗十蚊栗子 慢慢食住咁入場..
入場費大人每位三十蚊 小朋友十五蚊..

我地三點鐘到達天水圍 四點四十五分走人..
在每個景點 觀鳥點 寮望亭 都貼上”請勿喧嘩”的字樣 ..
但遊人 - 包括 自遊行 年青人 一家大細等等 都無咁做..
一邊參觀 一邊覺得部份遊人們實在討厭..
大聲說話不止 還要一家大細在觀鳥亭開餐 明明有個不准飲食的標誌..
實在有點兒哪個.

在濕地上 看到鳥兒的數目真的很少..
但這裡的人不守秩序 牠們不出現 或躲起來 正常啦..
有些人還要惡意破壞環境 隨地拋垃圾..
討厭..

說真話 這頓然變了人類的公園 而不是給雀鳥棲息的地方..
在這情況下 竟然給我們看到一隻螢光綠的雀鳥低飛..
算是最大收獲了 一定是很特別的品種呢.

另外見到鱷魚”貝貝”睡覺 身上和泥很像的顏色 牠在睡覺的狀態
為什麼香港的動物 總喜歡睡覺呢 安安和佳佳皆是也.

不過到此一遊 都好過無..無雀鳥 可能是意料中事..
但係身為香港人 見到自己人咁唔守秩序 就有D失望啦..

雖然行了二個鐘 不過都很累了..晚上老公約咗朋友在娘家附近踢波..
我同妹妹看咗一陣波.返埋媽咪度食飯 之後走人了..
明天 又要繼續返工啦..都好 今個星期返四日之嘛.^.^

炮炇花是也 很可愛呢.!
老公話佢細過成日喺街度見到 我就未見過啦 所以覺得好特別!
影底佢呀唔該.

鐘情紫色的我 見到紫色的蓮花 快樂透了..
品種也是很特別呢!

紅色蜻蜓 不過佢無點水..
但係停留在小草上 幾型..