剛剛過咗嗰個星期日 我地兩公婆去咗赤柱
病住都話要去 梗係啦 難得老公起到身..
如果唔係又要到幾時 佢先得閒陪我去..

話去行吓 話咗好耐啦..
上次去玩都係二月事了...應該係啦 ..
雖然成四點幾先去到 太陽都未落山..

出發前又咁啱三越大執笠減價...其實真係好想睇吓有咩平嘢執架...
但係 去咗睇的話..
就唔可以去赤柱.. 最後買咗兩副太陽眼鏡..
但係好抵買架 半價 即係正價買一送一咁樣...^.^

行咗赤柱市集 食雪條 跟住行到累 就在岸邊休息..
嗰度好多人坐喺度看日落 我看著海浪 靠著老公膞頭 好想叫佢一齊看..
但係佢被附近一個小型足球場的十幾個男人吸引住...
佢看著足球場 我看海 都唔啱feel gei..~
不過算啦 肯陪我來就得啦..

夜晚我地去咗赤柱廣場百佳 買咗幾款包..
跟住坐車走人啦...佢仲話我知
佢細過的時候 會挖空豬仔包 放d童心麵入去食 好正咁話wow..
我真係第一次聽人咁食咋...!!!