真係發咗神經啦...
星期五同呀雪 行旺角行咗三個鐘...
就超出我一星期的預算
好在係一星期 唔係今個月會好痛苦..

話晒呢度係第一次出糧..一定要買d嘢俾自己賞勵一下..
但係行咗好耐 都無心水..
次次都係當銀包裡頭有 就一定揀唔到..
當你好手緊時 靚衫就盡在眼前...
到我準備到下一個境點時..我草草的買了一件背心..

去到旺角 我同呀雪就好似發狂一樣 不停睇 不停話睇埋下一間就去食嘢..
點知一間又一間...最後 兩個鐘頭內 買了兩對鞋 三件衫..仲想買下去時..
發現已經用了很多啦...
講起買兩對鞋 不得不讚吓鞋鋪老板
佢鋪頭的格局唔算好好..但係鞋款就幾好啦..
不過 開頭我哋以為佢得斷碼 最初都諗住走
後來佢話: 你想要咩先 答我幾個問題..
(尖定圓頭 有踭定無踭 想要咩款 咩顏色...)
開頭都唔係好知點答 佢就係D鞋盒裡 攞對鞋出來 話:
我唔擺咁多款出來..
因為我驚俾人抄呀...
說畢 一對靚鞋出現了...我很滿意地想俾錢時..
佢又講 本來有對想介紹俾你 好啦 即管俾你睇啦..
一對紫色靚靚鞋又出現在我眼前..
嘩 一穿上去 就很喜歡 但係之前嗰對 確實好喜歡..
最後 一次過買咗兩對鞋啦..買咗嗰一刻 就想講 哎呀!
雪雪在我身邊講 唔緊要啦 你兩對鞋都幾靚呀...又FIT..

最後 買多幾件衫 仲以為係十點幾 諗住係時候食嘢..
才發現已經十一點十五分...我哋好趕咁食碗麵就走啦...
因為我又要趕下場 要去睇戲...
今次真係買多過龍了....