終於嫁咗了...
這十日裏面 忙緊執嘢 曬相..整理家居.
心情 未整理好.
可能有d唔適應啦..
瞓得唔係咁好..
晚上 波仔好多時睇波..睡覺時 我就係用電視機傳來的聲音伴著瞓啦..
佢話過 如果嘈 佢會出廳睇 咁我寧願嘈啦.
有時 三四點先開波 半夢半醒之間.
我又有d想看波的衝動..
於是 間中我會起身一齊睇..如曼聯..西布朗
其實睇西布朗 都係因為睇吓有無稻本潤一啫..佢好慘架..經常做大後備..
上屆世界盃 佢都有份代表日本參加..今屆唔知有無呢..
但係好可能無 因為佢著開的五號波衫 已經俾一個長長頭髮的人著咗啦..
>.<
波仔有日要我將稻本潤一的poster掉咗佢...我貼咗入衣櫃門裏面..
呢排佢話我 唔聽話 係咪唔乖..
語氣有時好似爸爸話囡囡咁...唔知佢覺唔覺得呢..
其實 自己真係幾唔聽話 幾唔乖..可能 真係未適應到新生活掛...

我仲好懷念喺自己屋企 大小姐時代..
我意思是 媽咪同爸爸真係好似"仲"壞咗我咁 乜都唔洗我做..
其實 在家最大感覺係 我唔開心 都可以對著呀爸呀媽哭..
喺新屋 ... 又有奶奶喺度 唔敢敢做啊...
雖然話 結咗婚 大過女啦 但係我還是很小呢..
都唔知係咪無鬼用 定係係一個過渡期呢..??