終於要做過大禮一環啦..
由於相方父母都唔識呢d禮節..
於是就由我地呢d後生自己預備啦..

幾個月來 準新娘我不停打聽人地過大禮要注意事項.
我仲上埋網找資料..
希望找一個簡單而隆重的過大禮方式.
我們一切重簡..
男家除了基本的禮金 海味 同埋對聯 百子千孫尺 上頭用品之外..
其他東西都是用利是代替 如 八樣京果 椰子 檳榔等等..
就在利是封上列明物品名稱..
女家就係回返男家的一半物品 及加小小嘢 又係利是代替
所以 照理就好容易呀...一陣就ok啦..

我地找了一個"鄧村石"(不知正確寫法)--呀董幫手今次過大禮
由於我係代嫁新娘 唔可以俾"鄧村石"在家見到我..
所以我要先落樓 將所有要注意事項話佢知..
在他到家半個小時前 我媽媽才開始執拾一下屋企..
突然又話唔見咗對鞋 又找了一陣子..
我話:唔好搵啦 人哋就快嚟 等人走咗先搵啦
呢個時候 我正準備沖涼 因為我訓咗成日 個樣都好得人驚下..
點知 就係洗咗一半 波仔打俾我 話已經到咗樓下..
於是我又裙甩褲甩咁換衫落街.
出門口時 爸爸才問我:咁我地要預備d乜架..
我沖沖咁講 人哋攞袋嘢上嚟 我地回反一半 同埋封返封利是俾嗰個人就得架啦.
說畢就出門口..
波仔講了我住的層數 呀董就按鐘說了一句
恭喜呀 伯友 我係呀豪個朋友呀.麻煩你開門啦..

我哋在街等了十分鐘度 佢就落返嚟啦..
趣事係我地走了唔夠十步 波仔手機響 原來媽咪俾少咗嘢呀董..
於是呀董又走返上去..落返嚟 唔夠十步.
手機又再響啦 ..原來 對聯係有分男女架..
於是呀董又走返上去.....
最後 手機無再響了 ,, 應該一切都ok啦...我地就安心去食飯啦...
之後講返 都好笑 媽咪同呀董講:唔好意思呀 我哋第一次 無乜經驗..
呀董話:唔緊要 我都唔識 不過你地仲有下一次嘛 仲有個妹...

飯局小插曲:我哋食緊飯時 坐對面的呀董突然望著我哋的背面:嘩咗一聲
我哋往後一看 見到一隻巨大的小強在鏡面滑行 ..十分恐怖..
我即刻飛開咗..波仔話俾一個侍應知(拾下拾下的)
點知呢個侍應竟然話:哦..佢出來散下步啫 無乜嘢..唔駛緊張..
波仔於是叫另一位呀姐..呀姐又叫返剛才嗰位人兄 捉小強..
點知 想捉小強時 小強失足跌咗落嚟 在我原本坐緊的位置上面...
嘩 超得人驚!!!!!!雖然事後呀姐幫我哋掉咗枱..但係我地已經無晒胃口..
走lu..~.~

真係咁都得...anyway 唔該晒呀董呢.^
2月25日 係好朋友埼奇生日 祝佢年年有今日 快快樂樂 健健康康,,恭喜恭喜