非常感謝一個人J仔
令我同男友咁開心咁體驗一下迪士尼的歡樂氣氛..
仲要係唔駛錢 免費入埸.
J仔話 當係我賀同男友三月結婚禮物wow...

我地嗰日遲咗小小入埸.
入都場好興奮呀..我當正自己係一個小朋友咁..
見到嘢就 嘩嘩嘩...
而我男友就好似個爸爸咁..拖住個小朋友.
趕快行路..一開始都唔知由邊度行先好..
再加上我見到d公仔人物就飛奔跑埋去等影相..
等完一個又一個..走得好亂..
後來男友話用半個鍾時間行晒成個圈..
再唸下點行...哈哈.....雖然係地方真係好似細咗小小..
不過 d地方好靚...好有旅行感覺...
當日我仲關了手提..怕人地會影響我這個難得的假期..
話晒我都係攞正牌放假...
嗰日精彩的行程 可能我講三版都講唔晒..
可以值得推介的就係space mountain同埋巴斯光年...
真係好好玩架,..
仲有 煙花真係好靚呀...加埋d配樂 真係好靚好感動呀..
我地逗留到九點幾先走..
真係好happy呀..
除咗真係好多謝J仔之外...仲要好多謝我男友...
因為後來 佢都好投入 同我一様 好開心咁笑住玩..
臨尾尾 佢仲送了一樣閃閃令的東西俾我..
我真係有d意想不到架....

唯一美中不足係
有d自由行 真係好唔守秩序 令我地好討厭..
另外有d可惜係 幫我地影相的途人的相片 全都唔清楚...
不過我地都有自己影 當然 d位差小小啦..
所以 下次去 都要同一大班人去先得^.^