首先我有一首歌真係好想送俾碌黎碌去各人,每句都係我既心聲!!

總有愛 BEYOND
千般百股暖流 從你關心的說話
深深感激一切 我一生記心中
在急風撲面而來 迷失中找到你
我的心不須驚怕 有你伴我身邊

* 時光總飛逝 未能停留
容許多給你愛
以歌聲感激 知心好友
我願為你高歌
有天可相聚 未曾遺忘
人海中得到你
與天邊中的海角與你
快樂地再高歌

歌我就唱完,但我仲有野講......
唔知點解而家有咁既感觸,升唔升得返呢間都唔緊要,但我最唔捨得係你地錄黎錄去呀,講真丫,我知道我地一定會分散唔同學校架,包實第一個啦,佢無論升唔升得返都走,唉!我諗返去我地既過去種種,一齊玩過,一齊嗌過交,一齊為好多事而一齊團結面對....五年,真係唔長唔短,但我真係好想講,我好愛你地架!

包,五年黎,我俾人玩得最多既人係你,我對人發脾氣最多O個個都係你,有時對住你,真係唔知好嬲定好笑好架!不過有時見到你又咁肯幫我....我又真係知道,.,.無左你,我真係唔惦!有時可能把口無講"好多謝你呀,親愛既包包"..其實我真係好感激你架,,,好似MATHS,ACC唔識,你又會專登同我出黎一齊溫,仲有呀!我好記得你點幫我搶返本簿架!!!你又肯陪我...

BEE,我真係好記得你係呢間中學第一個識既人,話時話,當日既情景,,我仲好記得,你坐O係我後面,你隔離仲係陳陳雄X,.之後就...哈,好例排咁,我要問你野,之後就...你呀,,其實我有乜開心同唔開心都會搵你講,嗯...當然啦!你絕對係一個好好傾既對像,仲有丫,音樂丫!!!講起音樂,我地真係兩個相反既人,不過就係可能因為相反先至咁岩傾,你都係另外一個勁陪我既人..

大孖,好記得中一時成日同你嗌交架,哈哈,不過我都唔知做乜,好鬼死鐘意同你玩架,覺得你好好玩,但希望你唔好介意啦!!我O個時又成日有意無意咁激嬲左你~不過你最後都唔會嬲我架啦!!有乜功課唔明你都會好耐心教我....仲有..我知道O係我最困難時,你都會O係背後支持我,你隻 手俾我既溫暖,我永遠都會記得!..有一樣野我都真係成日提,就係你俾左好多有效既意見我,THX~

細孖,講真丫,我覺得唔識你既人會覺得你好靜,但識你既人就......哇哈哈!!你同大孖有時真係玩到好顛架!不過就算有時你靜靜咁唔出聲,我都唔會出聲,會試下你諗緊D乜,不過講到難忘既事,就真係你同大孖,曾小妹O係我中三時生日時搞左個屯門一日遊,諗返起都勁唔好意思@!!!但你地都一D怨氣都無,都知道平時我俾左好多麻煩你地,但你地都好少埋怨..呢度我都好感動!

曾小妹,自從你去左英國後,我地都好少聯絡,其實真係好想知你O個邊點架,希望你快D返黎,再一齊去玩啦!仲有呀,雖然我無親睇到圖書館O個一幕,但從BEE口中得知,我都好感動架!