”In 1988, the French Tennis Federation gave me a wildcard (at the age of 16) here at Roland Garros," Chang told the crowd. "Here I am, 16 years later, and the French Federation was kind enough to give me another wild card."呢幾句，係張德培Ｏ係今年既法國網球公開賽，亦即係最後一場比賽輸時講既，唔經唔覺，咁就１５年，雖然我唔係由佢１６歲時開始留意佢，不過佢咁就退休時，我都係有ＤＤ遺憾。

鐘意佢，由始至終都俾人諷刺緊，８歲時，見到本雜誌封面係佢，我已經話好鐘意，表姐立即話，”佢有乜好，又唔靚仔，都唔明你鐘意佢Ｄ乜。”之後中學更甚，成日都俾人笑，我好記得某位同學咁同我講過：”哈哈，（冷笑），乜你鐘意張德培架？”但我都好想問：”鐘意佢有乜唔好？”唔通佢真係一堆屎？有邊個華人，甚至亞洲人打網球好似佢咁出哂名呀？有邊個華人打網球拎到全世界排名第二呀？我真係好佩服佢打得咁出色，我完全無理會到人點樣睇我。

佢勁時，係，有好多人追棒，佢差時呢？佢跌時呢？甚至跌到跌出１００時呢？竟然有人放棄佢，甚至話”車，佢而家都屎哂啦！”咁，我真係好鄙視呢Ｄ人，人地勁時就話點勁點勁，人地唔惦時就好似踩螞蟻咁踩，每個人總有起有跌架啦，我相信佢始終係有實力，不過佢既實力唔夠人地多咁解之麻，所以就算佢衰左我都唔會放棄佢架喎。

好記得，２００１年９月２５日，我去左維園睇佢既比賽，佢Ｏ個場係ＷＩＮ左，我都好開心，不過有丁丁失望既係佢唔太理ＦＡＮＳ，我永遠唔會忘記呢日。

最遺憾既係，Ｏ係１９９６年決賽中，我仲好記得佢係對住森柏斯，如果佢能夠Ｏ係呢場賽事中拎到冠車，咁佢就係世界排名第一，但點知，佢輸左，係幾遺憾下，但當諗諗下，根本就無華人好似佢咁勁，呢個似乎係一個好好的收獲。

記得佢講過：”如果俾一杯檸檬水你打，你就當一杯檸檬水去打！”

如果唔係你，我唔會去學網球，所以我係唔會忘記你。再見啦！