呢幾日，都係新居過二人世界！
我地自己買飯盒，自己洗衫！
開始適應這種生活方式了！
雖然樣樣野都要靠自己！
但仍然享受新居之樂！

2009年3月6日 ~ 8日
肚仔痛，張生全程照顧！
粥來張口，暖水袋來張肚！
因為照顧我，聯誼都唔去了！

2009年3月9日    星期一
肚仔仍然痛，但都堅持番工！
中午食垃圾飯，放工上英文堂！
成個人好累呀！個肚仲痛痛地呀！
張生學校考試，下午約班雀友聯誼！
開頭張生話接我放學，結果雀精上身！
搭巴士期間，諗過要嬲佢、唔睬佢！
結果，都係算喇！愈嬲個肚愈痛！
去舊屋裝香俾爺爺，食麻麻飯！

回家，化激氣為力量！
洗衫、食飯、沖涼、煲水、沖茶！
點解仲要沖茶俾張生？！可惡！
等到一點，張生終於話番黎！
仲問佢餓唔餓，煮麵佢食！
我係咪痛傻左，唔鬧佢！
或者因為太累，無氣！
或者因為之前表現！

結果，一句也沒嘈過！
我的好，張生也覺奇怪！
除左奇怪，就是超級喜悅！
就在這一刻，我的氣也消了！
張生不知不覺，甜蜜地傻笑了！
回想若我埋怨他，也許結局不同！

** 現在更加了解什麼是“退一 步海闊天空”！
** 把“氣”轉化為“愛”，才能獲更多的“愛”！
** 經過這一天，張生更加愛張太了！YeaH~~