2009年1月4日       星期日
新一年第一件的喜事：我的結婚相出爐了！

等左一個半月，終於有得睇了！
好多人講“色色”婚紗相超唔掂！
攪到我一直提心吊膽，好怕會後悔！
果刻心情完全是：又興奮，但又緊張！

原本預左婚紗店十一點睇相，
但前一晚的雀局玩到成三點幾，
邊會起到身，攪到下午一點先去！

攝影師平哥開電腦俾我地揀！
忘記了自己當時影相個look！
仲以為佢開錯其他客的file！
同平時的我，有點差別呢！

總共有185張相揀！
但免費的只有80張！
好難篩選呀，好多相！
每個景，每個pose揀D！
但真係好想全部都要哂！
於是偷偷買個 USB 過相！
但可惜 attach 唔到個USB！
無奈地繼續篩選那 80張相！

揀揀下，化粧師 Joan 走過黎！
話左我地D相整左張合成相！
嘩，張合成相仲靚過本身哥張！
仲問我地可唔可以黎做宣傳品！
當然可以！靚野唔怕 show & 分享！

經過幾個鐘的掙扎，
終於揀好哂所有相了！
批結婚相我地都幾滿意！
都唔係好似D人講甘差je！
至少我地唔會揀唔落手呀！
美中不足的是：無全部底片！
額外底片要$8張，我寧願唔要！
下星期有得睇版了！好想快D到！

** 姊妹們，有碟到手即CALL你地睇！
** 老公怕張宣傳相俾D同事、學生見到！
** 唔駛怕喎！唔係個個D結婚相都可以架！呵呵~~