2008年11月29日及30日
呢兩日，同老公and佢兩個同事(雄爺及嘉臻)去左香港！
點解同埋佢d同事去？因為要去睇聖鬥士星矢展！

朝早，我同爹娘先到香港！
交收史迪仔 + 食午飯！
S Square Cafe 等好耐，但食物唔錯！
蜜汁雞扒~~ 好味！

食飽飽，去中環接老公！
可憐的老公，又再一次暈船浪！
食魚旦粉、放低行李，去睇星矢了！

尖沙咀的海運中心 ~~> 即海港城！
一個只有二百幾呎的展覽場地！
卻容納了幾百人來排隊參觀！
可見星矢的小宇宙有多強！

門口1:1的星矢黃金聖衣模型！
吸引了成群攝影師及粉絲！
可惜擺放距離有點遠！
沒那麼壯觀就是！

入到去，仲隻睇，仲隻影！
真的很靚，難怪老公會入迷！
我也跟著入迷了，逗留兩個鐘！
雖然無買限量版，但影左好多相！
嘉臻買了限量版教皇，$800好貴丫！

之後去了東涌睇運動裝！
第一次去東涌卻有壞印象！
因為無乜平、靚、正的貨品！
兩手空空來，又兩手空空地走！
只有雄爺有收獲！佢呢程就抵喇！

晚上，同埋阿立、阿立GF、霞姨！
去廟街大排擋食！比我想像差很多！
服務差不在話下、食物也不見得好食！
睇電視見的廟街，以為會別有一番風味！
結果，比澳門的水佬榮還差，無樣野好食！
唔明點解仲可以大排長龍，難道D人無味覺？！

食完 (唔可以用個飽字形容) 去行廟街！
都幾多野睇，但只買左兩張大貼紙！
雄爺買左個同佢件衫一樣的背囊！
我地開始懷疑雄爺係咪醉左了！
因為佢說話有點兒太HigH了！
看見老公也想買一個背囊！
但費事同佢地買同款的！
結果沒有買就走了！

回到阿立家，已累到不行了！
完全熟睡狀態，包到實一實！
傻豬老公凍也不拿我的被睡！
他怕嘈醒我、他也怕凍親我！
傻到結果自己有點兒傷風了！
你真的很傻丫，但我超級愛！

第二日食個米線午餐，往銅鑼灣去了！
去到DNM，有好多好得意的鋪頭！
但始終不及我最喜愛的史迪仔！
原本以為會有好多靚史迪仔！
結果展出的比我有的還少！
影左相就走了！好失望！

再去SoGo，又再一次失望！
無野好買，樣樣野都好貴！
又再一次兩手空空而回！
今次連嘉臻都買到野！
老公和我好失敗呀！

去試食鯛魚燒！都ok好食！
原本除四的不公平計法！
經過至抵精明眼的我！
變成超公平的計法！
老公，佢地唔知架！

戰敗銅鑼灣後，決心攻陷旺角！
先跟大隊去兆萬！可惜一樣慘敗！
決定分開行，讓老公跟同事去掃貨！
我自己則單人匹馬進攻旺角中心！
沿路見到Samuel & Kelvin買一送一！
好想叫埋老公去睇，可惜已分散行！

到達旺角中心，即刻衝入有價錢的鋪頭！
因逐件問價太浪費時間了！兼好麻煩！
揀好、新貨、俾錢、走去第二間！
就這樣短短兩個鐘！殺出條血路！
三百蚊卻有九樣戰利品回來！

係朗豪坊JoIn 番老公，
唔知老公係咪近得我多，
愈來愈節儉，一樣野都無！
這樣太浪費地鐵及食飯錢了！
結果帶老公回去Samuel & Kelvin！
買左兩件褸才$463！買一送一超抵！
仲有時間去埋飽點王子食流沙叉燒包！
熱騰騰！好好味！加上有收獲特別好味！
番去MuiJi 搵埋佢地，晚飯也不吃，番澳門！

原本想搭九點船，因為miss左兩次地鐵！
而改搭九點半，因為威尼斯人cut航班！
一個鐘一班，而最終變成搭十點船！

總結：消費指數！
我和老公：史迪仔+衣服 ~> 九百蚊！★★
嘉臻：教皇+衣服+Muiji ~> 千幾蚊！★★★
雄爺：鞋+袋+聖鬥士+小雲 ~> 三千幾！★★★★★
多幾個像雄爺的人在香港消費！
一定唔駛驚庫房赤字！

雖然今次旅程有好多失望，
但全程有老公疼已是最大滿足！

** 老公甘錫我，當然抵買神聖衣！
** 仲會努力搵聖鬥士腳架俾你！