2008年9月23日 & 24日

今次唔記得係第幾次打風了！
近期一直打風，但絕不厭倦！
因為又可以唔駛番工！爽呀！

今次颱風“黑格比”來得好突然！
前兩日先知，今日已經掛八號！
可惜、可惜放工先開始黎掛！
更可惜，今日只掛得半日！

昨日，只聞有颱風吹襲！
公司已經發生颱風潮！
三樓同事趕住打包(用垃圾袋包住文件和電腦) ~~> 因上次颱風吹走屋頂！
二樓的我們，密切關注颱風去向和時速 ~~> 睇下聽日駛唔駛番工！
香港同事，不停打去新渡輪及威尼斯人 ~~> 趕搭尾班船！
未到四點，大家已經開始各自忙！
未到六點，公司已開始冷清！

搭正六點，即刻執袋走人！
係公司已感覺到外面的強風！
出地盤好恐怖，快塌，滿眼沙！
等公司車期間，俾風吹到企唔穩！
大風大雨，仲要自己買飯番屋企食！

回到家，姐姐和爹爹“聽”緊YouTube！(因為爹爹玩緊接龍，所以唯有聽！)
聽緊黃子華的楝篤笑“驅魔人”！
最記得當中講到：“我好鐘意番工”(唔係鬼上身點講得出！)
我同姐姐忍唔住笑了！隨即我亦扮上身，講出：
“我好鐘意番工，聽日唔好打八號風球！”
果然... 近期超黑仔的我，講左都唔中！

“黑格比”八號風打成了！唔駛番工！
可惜打早了一點！只能唔駛番半日工！(果然還是黑仔！)
食過麥當當午餐後！著短褲布鞋上班了！(好彩無落雨！)
一上車，倒水似的，超勁大雨！點落車呀！(得縮骨遮！)
結果，上車時乾，落車後濕！連遮都吹反埋！(可憐喔！)
回到地盤，又落大雨！原本乾左小小的我，又濕過了！
最可惡的是：我番到公司無野做！(點解要我番黎？！)
就這樣，颱風完結後的下午，我在無聊地打新聞台！

** 河邊新街、新馬路大水浸！幸好我的新、舊居都住得高！
** 但我的新居裝修無窗喎！都唔知會唔會吹走哂、浸濕哂！