2008年8月22日 星期五

期待已久的颱風終於來了！
幾日前聽同事講有颱風！
今日終於最接近澳門！

朝早，七點幾起身！
第一時間睇新聞！
殘念！得三號！
又要番工了！

香港一早掛左八號了！澳門天文台點做野架！
好彩今朝都無乜雨落！就算番工都唔怕狼狽！

番到公司，冷冷清清！所有的香港同事走哂！
只剩下可憐的澳門人！為何我是可憐的一群！

繼續做事！繼續留意天文台！
只見外面風愈大，雨愈斜！
十點多，公司發出電郵！
宣佈十二點半掛八號！
好野！即刻拎袋走！
公司車都唔等了！

番到老公家，同樣要作戰 ~~> 鋤dee！
狂輸的局面，連被炒四舖 ~~> 可憐！
努力超前，最後只輸六元 ~~> 開心！

颱風在外面狂吹，我們在屋內狂炒！
颱風在澳門發顛，我們在家中作戰！

在鸚鵡吹襲下，這天我就這樣過了！
算是賺左半日糧？還是虛渡了一天？ >.<