俗語話 ：“人逢喜事精神爽”& “雙喜臨門”
依家兩樣都發生在我身上！

計老公向我求婚之後~~ (唔再係未來老公了！)
我的精神愈黎愈好~~ (連經痛都好好胃口！)
好事更接種而來~~ (又可以轉高薪工了！)

回顧過去我的職業生涯~~
第一份工：私人安老院社工 (畢業後的第一份工！打算做番本行！結果…)
描述：每日讀報紙、plan一年活動計劃、自己book車, etc
工作時間：一日
薪金：起薪 $7000
離職原因：太辛苦了，完全無私人時間！又唔似做社工D野！

第二份工：AIA私人秘書 (決定唔做社工了！轉行做文職！)
描述：一個人，咩都要做，成個工人甘！雖然一腳踢，但不及社工辛苦！
工作時間：差不多一年 (但當中休息了一個多月)
薪金：起薪 $7000 ~~> 加到 $7500
離職原因：不滿Rosa (我上司) 寵幸奸妃，而加重了我這個忠臣的工作量！

第三份工：金沙編更文員 (俾人呃左做編更，仲呃埋加人工！)
工作時間：好似五個多月 (唔係好清楚，總之過左試用期！)
薪金：起薪 $8000
離職原因：又悶又難編！仲要呃我試用期後加人工，結果無，即走！

第四份工：新濠初級秘書 (同組同位秘書比我高三千，但比我仲懶！)
工作時間：又係五個多月 (一離開金沙，第二日即番工！)
薪金：起薪 $10000
離職原因：我老闆話加我人工，人事部唔肯！
理由：無秘書一過試用期加人工！(你夠未試過俾秘書甘低人工喇！)

將入職：威尼斯人 (Finance)
職位：唔知咩 Coordinator
番工時間：星期一至五，朝九晚七 (星期五，朝九晚六)
薪金：起薪 $14000
工作時間：今次又唔知可以做幾耐喇！成日都轉工，好悶呀！

有邊份工可以俾我做長d，做耐d呀？！
我諗都係只有做“張師奶”，先可以做一世！

** 甘心一世只做你的最好 & 最靚“張師奶”~~~