2008年8月6日 (星期三)，又打颱風了！
平時颱風天總是令人討厭，但這次的颱風卻來得合時！
因為星期一去完番禺玩之後，成個人散哂！
第二日仲要頂硬上番工，根本就我命！
好彩上主又再一次眷顧我，八號風球！

北冕風速慢，風力弱！當初仲以為只會三號風球！
點知，原來北冕吹正澳門，可以改打八號風球！

一個完全唔似打緊八號風球的早晨！
七點幾就起身的我，即刻開電視！
歡呼！唔駛番工！立即又訓番！
十點，再開電視因怕改三號！
結果天文台預計繼續八號！
再歡呼！打俾未來老公！
換衫走人，去老公家！
下午一齊鋤大DEE！
呵呵，贏七十蚊！

<< 北冕 >>，你實在太討人歡喜了！
一個唔會橫風橫雨的颱風！(完全無濕身過)
一個令我可以放全日的颱風！(因為風速超慢)
一個帶給我娛樂及錢財的颱風！(賺錢消磨時間)
再多幾個北冕都唔錯！但千祈唔好星期六、日打！

北冕過後‧‧‧
我就少左面 “冕”死金牌！
又要番工！又要鋤Dee輸錢！
俾未來老公呃哂我D私己錢！
邊有兩個人玩都要炒兩次架！
仲要有個係十三炒，窮光蛋！

** 北冕 ~~> 你快D番黎喇！我好掛住你‧‧‧幫我贏錢！