繼上次俾惠海旅行社呃左之後，
一直想再同老公去歡樂世界！
今次終於可以一嘗心願了！
仲係兩日一夜的自遊行！
提早係旅行社訂酒店！
番工時上網搵行程！
於是決定出發了！

2008年8月3日 晴天
預計七點半起身，結果九點半先出發！(因為前晚俾爸爸捉住鋤大D)
由未來老公屋企步行去關閘！好熱呀！(過大陸關好多人，又要過機)
十點半到達拱北，本來諗住搭歧關車！(結果去錯車站，變搭信禾車)
原先想去祈福新村，變成要番酒店先！(成十二點先去到番禺)

在不明來歷的番羅油站落車，超串司機！(超偏僻，除左油站咩都無！)
局住要“打的”去酒店，附近連公車都無！(超貴的一程冒牌的士！)
Check-in & 九折買歡樂世界入場眞！(我住的是香江酒店！)
放低行李，出發我最想去的“百萬葵園”！

坐左兩個鐘頭車，終於到達番禺最南面的“百萬葵園”！
呢度俾我的第一感覺是：一個好普通的動植物公園！
只是比盧九大些，比鴨涌河多花一些！卻貴很多！
每位入場的女士都送一個薰衣草雪榚，但溶的！

入面有咩睇？入面有......
動物方面：
兩隻好瘦的松鼠！(松鼠尾好似毛毛球)
卅幾隻任飛的白鴿！(咕咕叫，行路個樣超好笑)
一堆困在籠中的小狗！(聽到吠聲先知入面係狗)
幾隻又困在籠中的兔仔！(乜都困入籠，睇鬼到)
一大堆幾臭下的迷你豬仔！(無食物在手唔睬你)
兩隻連體型都睇唔到的鳳凰！(個牌寫話係鳳凰)

植物方面：
一條好似用薰衣草裝飾的紫色路！(因為裝修緊，睇得唔多清楚)
幾條兩旁種滿唔知咩花的小路！(D花細細朵，一束束都幾靚)
一條用假ge楓葉舖成的長路！(兩旁仲有鞦韆，都幾浪漫)
還有玫瑰和櫻花！(但只有介紹圖，一塊花瓣都無見過)
所以吸引不少結婚新人影結婚相！(我地未結婚都係哥度影相喇)

當然唔少得我的最愛“向日葵”~~> “百萬葵園”！
唔駛數，就甘望過去都知無百萬甘多！
但真係有好多！無百萬朵都好滿足！
唔知係咪全部的向日葵都是真的！
但我身邊的向日葵確實有蜜蜂！
雖然向日葵好美，但曬得很！
所以影左幾張靚相便走了！

中午哥餐，我地都係“百萬葵園”入面食！
網上介紹去“百萬葵園”，不可不食“葵花雞”！
一於同老公去試下！點樣不可不食法！

入到飯堂 (絕對用唔到“餐廳”來形容)！
只見到得三、四圍䒷有人坐！(但其實百萬葵園有好多遊客)
而其他空䒷則有好多蒼蠅飛來飛去！(好恐怖的情景)
同我預期想象完全相反，食慾已減大半！(決心要食到葵花雞)
揀左好耐，先揀到一張較少蒼蠅的䒷！(因為隔離䒷有人食緊飯)
坐低睇餐牌！嘩… 我終於知點解無乜人食葵花雞喇！
白切葵花雞 $100 / 半隻，$198 / 全隻
咩雞咁貴呀！要成 $198！明知係呃錢，我地都照俾人呃！
雖然隻葵花雞真係幾香 (無沾薑蓉都好香) + 肉質都幾滑！
但始終都唔值 $100半隻！愈食愈唔抵！愈食愈多蒼蠅！
拿拿林食哂走人！埋單都一直覺得好貴！(但又要食)
最終總結：“百萬葵園”= 百萬“昆”園！“葵花雞”= “貴”花雞！
推薦指數：百萬葵園 ★★，葵花雞 ★

之後，我同老公等左好耐車，再坐左兩個鐘頭車 ~~> 到達市僑！
第一次聽“市僑”呢個地方，第一次去“市僑”呢個地方！
但“市僑”俾我地一個好好的印象！
晚飯在市僑的墨西哥餐廳鋸扒，又抵又好味呀！(可能因為中午哥餐太唔抵喇！)
食飽飽，到左市僑的大(東南西北)商業街逛逛！超多野睇，又超平呀！
女裝 $10/件，男裝 $25/兩件，襪子 $5/3對，皮帶 $3條！
雖然唔講得出最新款，但以呢個價錢，絕對物超所值！
當然，我地都忍唔住手買番幾件！仲買埋龍眼 + 雪梨番酒店食！
推薦指數：★★★★★

回程時，因為miss左尾班車 (10:10pm，無諗過甘早無車)，
結果又要“打的”番酒店！又俾人“昆”左四十蚊！

總結第一日：好曬 + 俾人呃錢 + 不停坐車！但都好開心 (因為同老公一齊)！

++ 番禺自遊行 (第一天) ‧‧‧‧‧ 結束了 ++