2008年7月30日 星期三
未來老公終於開始放暑假了！
亦代表開始有時間陪我了！
忙了一年，終於有得抖！

中午，未來老公陪我食lunch！
雖然好趕，但已經好happy！
選擇了去八佰伴食pizza！

去到先知原來八佰伴因為搬遷而清貨！
真係幾平下！但有D都仲係好貴(搵笨)！
食完pizza，見到對面有按摩機！去睇下、去試下！
又真係幾舒服，結果買左部$299送俾未來奶奶！
”乙水”下未來奶奶，贏左佢甘多鋤大D錢，唔係甘好意思！

------------------------------------------------------
2008年8月1日 星期五
放工搵埋我娘親、未來奶奶、未來老公一齊再去掃貨！
好多人呀！比前日中午，多人好多好多！完全大塞車！
去到八佰伴好肚餓！排隊買飛時，見到老公以前學生！

食飽飽，先去睇電器，只淨番幾部超貴超唔抵ge電器！
再去睇衣架，好....好貴呀！擺明提高價錢再話減價！
落二樓睇旅行箱！五百幾蚊有兩個，我娘親話好抵買！
結果我同老公買左一大一細，雖然未有計劃去旅行住！
再去睇床單和被袋，我娘親又買，屋企已經有十幾套！
最後去睇底衫褲，都算幾平下，買左一件底衫俾老公！

全程我娘親瘋狂似的，把我未來奶奶嚇親！
只見未來奶奶，看著我娘親的背影狂笑！
好醜呀！聽聞我娘親第二日又去掃貨！
結果，最大收鑊的！就是我的生娘！