2008年7月27日 晴、陰、雨、雷(乜都有)

朝早到中午...
天氣一直都好好，又熱又焗！完全唔覺有打風ge跡象！
太熱了！所以我同未來老公一家係屋企鋤大D！
哈哈... 贏緊錢！雖然唔係贏好多！

四點幾...
陪未來老公、佢姪仔、表姐&表姐夫, etc...
去黑沙撈蝦！第一次帶班小朋友去，佢地超興奮！

可惜... 太黑仔了！
去到黑沙！好多人呀！一個車位都無！
而且個天開始風雲變色！好可怕呀！

衝呀！一場黎到一定要入下去！
慘喇！個天愈黎愈唔妥！
風愈黎愈強！黑雲愈黎愈大！
喔... 終於落起雨了！

走呀！我地一齊衝番入架車度！
但風實在太大了！D沙吹到我地睇唔到前路！
樹吹到全部歪了！好驚會塌落黎！鞋入哂沙了！

走呀！只知一直走、一直跑！終於上到車了！
好彩未來老爺一早去左撈咋！(撈左好多)
如果唔係真的白白浪費油錢！(油價仲甘貴)

回澳門的途中...
十二生肖直望大潭山 ~~> 見到一道超光的閃電直劈大潭山！(恐怖呢)
友誼大橋回澳門中 ~~> 雨開始停了，還有一個超圓的鹹蛋黃！(激氣呢)
落橋後的君悅灣 ~~> 圍欄板又爛又歪，建築材料飛哂去馬路度！(超勁呢)

事後聽我娘親講：
哥陣時，我屋企露台水浸！唔係掛... 甘誇張！
原來因為個儲物箱塞住個去水口！但可以水浸，個風都好勁下！

雖然鳳凰只係騷擾澳門幾分鐘！
但呢短短幾分鐘，已經好可怕，好得人驚！
個天突然變黑！風強到有龍捲風出現！(有D似世界末日)

香港仲恐怖！全日室外溫度攝氏30度！
但都可以出現冰雹！你話唔驚就假！

回到未來老公家... 又鋤大D了 + 食自己整ge鎹喱！
鋤大D ~~> 最終我贏七十幾蚊！哈哈~~
羅拔臣鎹喱 ~~> 可能加太多水，有D散，但味道唔錯！

** 之後先知道，原來未來老公係黑沙哥陣，撞到人！
仲唔小心將D蝦水淋到佢，頭上仲有幾隻蝦跳跳跳！