昨天，跟老公去嘉模泳池游水~~
第一次去嘉模泳池的兩個大鄉里~~
唔知停車場係邊！唔知游泳池係邊！
結果… 誤打誤撞被我地搵到！

入到去，問清楚時間，俾哂錢，租locker！
收費亭的阿姐俾我的locker號碼，唔知係“66”定“99”
一 於先試“99”，但總覺得後面有個小妹妹望住我！可能多心掛…
試完好似唔多岩！剛才一直望住我小妹妹即刻用佢手上的鎖匙開“99”！
唔係甘岩掛… 我諗個小妹妹可能以為我係小偷！結果好瘀皮地改試“66”！
一早試“66”咪好lor，攪到自己俾小朋友當賊扮！

換完靚靚泳衣，步行去游泳池！
嘩… 由更衣室到游泳池條路好長呀！
又無著鞋，d石地拮到我腳板底好痛呀！
終於行到去泳池，見到我的老公！

嘉模泳池都唔係好多人！
有d一家大細，有d一班朋友仔！只有我地兩個小情侶！
一落泳池，唔知自己落左去深水！
弊加火，無做熱身！對腳又掂唔到地！唯有游過去老公度！
太耐無做運動喇！游左三個身位，就無氣！對腳都仲未掂到地！
唯有頂硬上，換氣時，差d浸親！垂死掙扎游埋落去！

我地游下、停下… 玩下、浮下… 企下、坐下… 就甘係游泳池成個鐘！
由多人到少人… 由水暖到水凍… 由興奮玩到無氣…
決定走了！沖完身，洗完頭，到附近走一走！
食榴槤雪榚… 扮港人入鉅記試食，食到飽！
就這樣… 我地過了一個開心的星期日！

** 泳池有d學生妹身材超勁 (可能因為肥!)
** 但在我老公眼中，他說只有我是性感的~~ 呵呵~~
** 第一次真正同老公去游水，著住一齊揀的泳衣，好HaPpY~~