2008年7月11日 早上天晴，晚上暴雨
就快結婚我，又要供樓、又要擺酒！
當然唔會放過任何賺錢的機會 ~~> 做part-time

番工前晴朗的天氣，唔夠半個鐘，突然落大雨！
有d想因為大雨而停賽馬，可惜結果照賽！
唔理甘多，繼續聽電話，橫掂都走唔到！
離收工愈近，愈擔心，不停望窗口！
第一次臨近收工無開心的感覺！
因為無帶傘，雨愈落愈大！
就算老公車我都無用！
根本無傘出門口！

好心的同事Linda，話遮埋我出去！
好№，唔怕濕身！但開心得太早！
因為賽馬會水浸啊！救命啊！
我地雖然有傘，但無雨鞋！
點算？！誰來救救我！

當然，在小蕉公主最徬徨無助的時候！
小威王子自然會出現，伸出強而有力的手臂！
哈哈… 小威王子騎著他的“白馬”進入馬會，
衝破所有萬難，來接他的小蕉公主回他們的城堡！

有異性兼有人性的我，當然送埋Linda番屋企喇！
呵呵… 又再一次招人妒忌了！又驕傲，又甜蜜！

** 小蕉公主擁有小威王子的愛，是一生的驕傲！！