2009 / 7月 - 9月

哈...而家愈黎愈懶,都唔係好想上黎打月記= =

7月同阿B一齊去左泰國啦,同佢一齊去真係好好玩呢,我地兩個人成日都o係埋一齊,發生左好多好搞笑既事,o係泰國有時得我地兩個人既時候,遇到好多笑死既場面,多數時間都係我既阿e 同阿哥(我有兩個阿哥)帶我地睇野參觀食野,辛苦哂佢地啦,陪左阿B玩左一個星期,之後佢就自己返香港先,當然送埋佢上機,之後我自己一個留o係泰國,d泰國人好nice,阿e ge仔"寧哥"同佢女朋友帶我去玩同睇野影相,仲有二e佢身體唔好都同我成日周圍去,仲有細e,佢好似好有錢.同埋應該好耐冇點同人傾心事,佢講左好多佢以前既故事我聽,仲有好多好多野,呢次的旅行係一次好好的經歷,o係泰國返黎之後,我冇做板前,而家o係旺角金水返緊工,好好彩之下遇到一位好好既師父,佢有一半係日本人,佢o係日本出世,曾經o係澳門讀書,所以識講中文,佢o係我出世既時候已經o係日本做緊壽司,佢有家族生意,只係間唔中會o係香港做野,我o係佢身上知道左日本好多既事物,認識左好多正宗既壽司常識同做法,仲有學識左好多日文,岩岩佢就同一個香港既女仔o係日本訂婚,黎緊佢十一月又要返去日本一個月左右先返黎lu,機緣巧合下,我遲d有機會可以去日本做野,呢個係我一生既夢想,而家終於可以實現,但係唔知點解,冇機會既時候會好想去,到機會一黎到就好似有少少卻步,唔知點講的感覺,師父話5月會帶我過去,所有野會幫我安排,但係我自己仲未知,我都唔知自己想點,好奇怪~!!金水黎緊11月會開荃灣,仲未知道會唔會過去,因為唔係好捨得旺角班同事,同佢地咩都玩得一餐,哈~!!其中一個幾fd的同事岩岩有白事,佢既父親過左身,好為佢難過,佢返返工之後成日都會哭,而家過左幾日好返好多了,我會盡力令佢開心的^^"

o係呢一兩年唔係好明點解,我的愛情都會出現一些已經有男朋友,已經結左婚,細我好多既女仔,我唔會種意既女仔會鍾意我,有女仔鍾意,我係覺得好開心好幸運,但係我唔想做第三者,唔想影響到你地既感情生活,我想搵到一個真係可以同我一齊好耐既女仔,但係一直遇唔到,發生左d咩事都唔係咁想講了,反正係d唔開心既野,唔好提....