2008 / 11月-12月

呢三個假期玩左好多野.....

連續三個星期都係同細恆一齊放假,三個假期都係一齊返大陸玩....第一個假期有文迪,子楊,明昌,細恆一齊返,第二個假期就有細恆,阿鍾一齊,第三個得我同細恆,不過玩既野同行程都係差唔多~!!

第一個假期係超好玩.好多人一齊,我地去水都Disco,明昌同子楊都係唔跳舞的,佢地只係想黎按摩,不過我,文迪同細恆都好想去,所以拉埋佢地一齊,嘻~!文迪同細恆跳舞都好犀利,我還是學習中呢,遲d一定要跳得好過佢地^.^"呢晚我有豔遇呢,不過唔想再講lu,之後都係去按摩食野,冇咩特別!

第二次就有細恆同阿鍾一齊去,阿鍾條友仔又係跳舞好犀利,抄左佢幾招~嘻!呢晚又係有豔遇,都係唔講~!跳完之後去左食粥,之後又係去按摩,不過今次發生左d好搞笑既事,我地三個人本來想三個一齊一間房按的,但係因為full左,得返一間雙人房,其中一個就要去單人房,咁一開頭未諗到邊個去單人房的,行到間房之後佢地突然一枝箭咁沖入去雙人房,咁我就x完佢地就去左單人房喇,之後原來幫我按的是一個很年輕的靚女,佢地兩個就係阿姐幫佢地按,按完之後我走過去係咁笑佢地,低死丫....笑到肚痛~!!o係按摩過程同佢傾左好多計,後來交換了電話,這樣便認識多了一位朋友"賀玲"~!!按完後有人過黎話有三個人既房啦,我地就換房之後三個人一齊訓喇~!!

第三次就係得我同細恆,唔知係唔係呢晚個DJ播d歌唔掂,我同細恆呢晚都唔係跳得好落力,加上呢晚好多癲婆係度fing頭,阻住哂...!跳跳下細恆撞到fd,佢個fd有k,呢晚係咁大個仔第一次試,試完之後完全唔覺好玩,後來d k散左就精神返,好肯定我以後都唔會再索,試過就好了,對個腦有害,我唔想變傻仔@@"我同細恆都只係鍾意個氣氛同跳舞而已!!跳完之後又去左搵賀玲幫我按摩,按完訓醒就同細恆去左東門紋身,其實我好細個就已經好想紋,不過又成日搵唔到人陪,今次細恆都紋,所以我就紋我咁大個仔第一次既紋身喇~諗左好耐....DIY左好耐,後來就叫佢地幫我紋左我個名既競字簡體o係背既中間,因為我想要毛筆既感覺,如果係繁體就太多筆畫,會整唔到毛筆感覺丫~~不過呢個紋身只係我既第一個概念,之後會o係香港一直幫呢個紋身加野加野,大陸紋圖冇香港咁令,請期待之後我會DIY成點啦~~~未完成ga~~^^"