2008 / 11月

請慢慢睇....打左好耐呢~~

o係11月既9號,天都未光就要起身去機場喇,去到機埸打比金明先知佢岩岩上車,最後佢條友仔遲到....頂佢~!

去泰國之前阿媽比左張泰國既電話卡我,去到泰國打左比pun哥,細姨~o係泰國成日打比佢地吹水呢,好耐冇同細姨傾過計了..T.T"

到泰國第一站就係去夢幻樂園(之前都有去過泰國的,但係係幾年前既事了)
 
同金明入左去夢幻真雪城玩,金明成個大細路咁,好開心~~哈哈!!之後玩完出去咁岩動物表演開始,我同金明就入去睇,超搞笑呢,d動物全部都好得意,睇到最後有一班羊仔走出黎,d工作人員就o係度派奶比人餵佢地,不過要比錢的~哈!

仲有玩左鬼屋呀,(上次黎係驚到唔敢行的,今次黎玩完全一d都唔驚@@v)仲有玩左睇唔到野既過山車(呢個唔怕畏高,所以玩得)同埋買左d好細個既蝴蝶袋~~!!仲有玩左賽車...我第一名,金明第二(有8個人玩左右)yeah~!

去完呢個遊樂埸就去睇人妖歌舞,有d人妖真係好靚,有個仲要好似步姐= =

睇完人妖歌舞就o係附近食火煱,個團包埋的,超超超難食,又少野食...../

之後就返酒店喇,o係曼谷呢間酒店唔係好靚,所以冇影低~!o係酒店休息左一陣就同金明兩個人落街搵野食同shopping,行行下比我搵到o係泰國先有加好難搵到既野食,係麵包點一d綠色好似椰子糕差唔多味既野,比十個超好味佢,我好鍾意食,上次去泰國家姐帶我地行好耐先搵到,今次可以食到真係好,食完好滿足咁再行,行左好耐丫,我地呢晚都有收獲^.^"

第二日起身個團話去食自助餐,不過自費的,係全泰國最高既建築物度食,我同金明都話唔去,兩條友出去搵野食,去到打比pun哥諗住叫佢幫我地叫野食的,不過原來我同金明入左間專食泰國海南雞既餐廳,但係出到黎係超超好味,仲要好平,兩個人食左90銖~正!>3<

之後我同金明又周圍行,又買左d野,跟住行到好攰既時候我突然見到有間賣雪糕甜品既店,就叫左金明陪我入去食喇,好好味~~其中有一個店員我覺得好可愛,所以就同佢影相
不過最後個雪糕食唔哂.....超多~~= ="(相薄內有相喔)

食完岩岩好到集合時間,問返d團友個自助餐好唔好食,佢地話唔好食同呃錢...好彩冇去@@v

then夜晚就去左跳"蝨"市場,o係入面佢地賣野d人會特登up高d價,一定要講價的,都唔知係唔係太多大陸人去既關係...= ="o係呢度買左超多野,好多飾物呀,拖鞋,衫....行完超攰...>_<"

第三日就去芭堤雅喇,途中o係高速公路架車死火,全車男仔都要落去幫手推架車埋一邊,之後等第二架車黎,等左個幾鐘,呢個幾鐘同班團友吹左好多水同認識哂大家=__=

去到芭堤雅第一個地方就係去騎大象同影相,之後夜晚就去左睇兩個show,一個係sexy show(咩女人開汽水o個d)第二個係一枝獨秀(咩男人用o個度打鼓呀o個d)睇完兩個都大開眼界,但係我唔會再睇第二次,d人好慘....

o係芭堤雅住既酒店幾靚的,睇相簿啦!

第二日就去海灘玩喇,超靚呀~~陽光與海灘,o係o個度哂太陽同紋身(一星期會甩的)食串燒,係咁影相~~正^^

夜晚自由活動,金明訓死左,我就自己一個落街食野(有相)冬陰公同肉碎,係個好靚既人妖煮比我食的,佢仲坐o係我對面同我傾計,佢煮得好好味,加上佢陪我傾計一d都唔悶,正~食完就去左做spa,個團帶~自費的,因為未試過,所以就試下喇,做完真係好香,香左兩日= ="

咁岩最後一晚係泰國既水燈節,個團既導遊提都冇提過,好彩pun哥打黎同我講,泰國一年得一次,咁岩呢日個月亮係圓的(放水燈係將d唔好既野放哂出去)同金明落到去酒店附近既沙灘,超多人丫,好熱鬧~~好多車仔檔,我同金明除左睇邊檔d水燈靚,仲有就係係咁食野同飲野~~好開心可以咁岩撞到呢一日^o^

第二日就帶我地去買手信就坐飛機返香港了,好唔捨得......泰國好正,有機會我會再黎的>3<