2008 / 10-11月

某日我放工之後同阿神去葵芳睇爆粗band友,原本我係想睇恐懼鬥室5的,不過阿神話好想睇爆粗band友,所以就陪佢睇啦~3~"

但係估唔到呢套戲好好睇+好笑~有好多重金屬rock...超正,劇情都好好笑丫,全場的人都笑~氣氛好好,睇得好開心^^"

之後過多幾日我同子楊+阿神去荃灣睇恐懼鬥室5,我地買完飛仲有25分鐘時間,我地趕去附近的餐廳食飯,超快呀食得,d飯黎到只係得返5分鐘時間去食,阿神食到最後幾啖食到咳+噴飯....超想大笑,不過好多人o係度唔可以咁做.......哈哈哈哈~~而家諗起都想笑,食完飛去睇,時間岩岩好,不過..........唉~我一直都好鍾意睇呢套戲,第1至4集都有睇,估唔到呢集可以咁悶,一開始都係好似之前咁正,即刻有殺人場面,以為之後都好正啦,點知好似睇緊X檔案咁,一直係咁講野同查案,我同阿神真係睇到眼訓,間唔中先比少少死人畫面你睇,不過唔知點解好似唔覺得正,套戲最後都Ok好睇啦,不過佢套戲有個錯處,你地睇左唔知先問我啦~唉...........好失望~!

睇完我地就去左食糖水,子楊剩係掛住睇靚女= ="我就同阿神吹水~!幾好味o既豆腐花,但係都唔夠澳門好食>3<

10月31號放工o係倉化妝,之後同阿B,和仔,阿倫,阿神~去尖沙咀星光大道玩,呢晚幫和仔同阿倫化妝呢,和仔面上的殺字同個唔知咩圖案係阿神整,我地呢晚都冇咩點癲丫,可能我地個個都好攰,只係影下相同玩下化妝咁,玩完佢地就去飲酒,我因為第二日返早所以冇去>_<".
.....就係咁就過左個helloween~~!!

日本之旅去唔成丫,因為唔夠人數成團,最後變成我同金明去泰國一.一"

哈哈哈哈哈哈~~~~點解會變成咁.........T.T" 不過起碼可以去旅行,唔洗哂左個大假~如無意外會o係11月9號出發~!!

買左個新旅行篋,要諗下點樣幫佢扮靚啦,我有好多貼紙....呵~~~@.@"

我的相簿已經更新啦,大家有時間可以去睇下^^"