2003 年 11 月 05 日 星期三 【晴】

今朝小肥晨咁早就起左身，鬼咩，唔開心嘛．
谷住谷住咁，於是去跑步．
換好晒衫問ｇａｇ太后去唔去，（通常都唔去的）她竟然話去喎，咁又等埋佢．
等左一陣先出門口．
去到，竟然有陸運會．
天呀～為何你要這樣對小肥．

近唔開心，同ｇａｇ太后講不如跑去富安再返屋企，但ｇａｇ太后話：「不如飲茶仲好啦．」
極不甘心，還是被夾了去．
咁呢我地就由頌安開始行，順面參觀一下人地條村，明白左「隔離飯香」點解．
人地條村，又有足球場，又有籃球場，更有羽毛球場，全都是免費的，勁正囉．
反觀自己條村，得兩個籃球場，想打下波都無地方，一係就有死飛仔痴波打，打完拎埋你個波果隻，小肥實敢落街打波啦．
唉～唉～唉～還有，人家是有海景睇的．
上天真係唔公平．

沿著海旁漫步，遙望青山綠水美如畫，好不浪漫，如果同方生行的話．
發現沿路勁多好似小肥咁怕羞的怕羞草．
勁踢勁踢，口中念念有詞：「好嬲呀好嬲呀」，好似痴左孖根咁．
之前係咁：

之後係咁，摺晒：

結果，沿路的怕羞草都摺晒．
踢完，舒服晒．

去飲茶，化悲憤為食飯，係咁叫，係咁食．
食完一碗皮蛋瘦肉粥，一碟炸兩，再大包整多一籠，珍珠雞又一籠，再加腐皮卷一碟，都只不過係５０蚊，抵到爛．
食飽就閃返屋企，只是十點鐘（可想而知小肥今日晨早起身係真係倒塔果隻咁早）
就做功課．

然後下午幫烘餅整相，把兩張相整到一張３Ｒ咁大．
之後就去晒，又行去頌安啦咁，因為佢話果度晒８毫子一張喎（不過２Ｒ就要個半，唔明，所以我地就將ｄ相兩張夾埋變一張，返屋企再ｃｕｔ開，都係２Ｒ，但只係４毫一張，此乃勁師奶的做法）．
晒相舖的ｕｎｃｌｅ勁ｎｉｃｅ（不過佢後面果個晒相哥哥仲好…..睇得！），話十分鐘就拎得喎．
快到咁？！ｉｍｐｏｓｓｉｂｌｅ！
然後打個冷，見到樓下果間每張只需６毫，立即勁揼心口，揼到平晒．
不過要晒２０張先咁平～
ａｎｙｗａｙ，我地都係抵ｄｄ
跟住見到一間舖頭勁多師奶圍觀，作為她們的一份子，小肥當然唔會執輸啦，就中個頭埋去睇下．
原來賣緊砵仔糕，五雞三個．
小肥就買左三個，勁好食，永遠跟住ｄ師奶買野就無笨啦～
同一時間，對於頌安又加了分，唉～～～勁想搬過來這裡住，設施又好喎，風景又優美喎，買野又平喎，晒相個哥哥又靚仔喎…………
耶～唔制～～


～ｇａｇ　ｏｆ　ｔｏｄａｙ～
話說小肥見親怕羞草就踢，ｇａｇ太后就話：「ｄ怕羞草今日可能諗，點解有個白痴妹係咁踢我地．」
實好好笑啦．