2003 年 10 月 31 日 星期五 【晴】
今日本來諗住上完geog之後就在學校食飯，然後溫書的．
懶係有決心咁拎左本７百幾頁的書書返學（仲重過個仔呀陰公～）．
點知有幾隻魔鬼走晒堂，引誘小肥唔好o係ｂｕ食，懶有鴻圖大志衝出ｂｕ咁話喎．
於是小肥的三個胸膛就去左傳聞中可以行過去又勁多好野食的九龍城了．

又越過高山又越過谷，行左成半個鐘，先去到九龍城．
餓到肚都扁，行過九龍城廣場，見到ｎｅｗａｙ唱ｋ　ｌｕｎｃｈ廿五蚊位．
大家又開始找出十個唱ｋ的理由，例如係廿五蚊食個飯都差唔多，同埋胡蛇果堂走左都無所謂這些沉淪的理由．
結果，大家就走左上ｎｅｗａｙ．
點知，去到發現無廿五蚊ｋ喎，於是立即１８０度轉變，數出十個唔唱ｋ的理由．
都話啦，女人係善變的．

找了很久找到一個又唔太貴的日本餐廳．
吃了一碗炸雞拉麵，拉麵彈牙，好味味，正～～～
然後開始掃街，行過一間餅店，好似好出名咁，又係門口貼滿報紙介紹（基本九龍城間間舖頭都係貼滿介紹ａｎｄ有明星幫襯過的相）．
就買左蛋撻半打．
然後又行過見到十蚊十件煎釀三寶，又買左十件．
食唔食得晒呀？
大家異口同聲答：「買返去比會長同歪使食嘛～」
藉口！！！
返到去，咪又係我地幾個食埋．
上堂前食左兩舊煎釀三寶，ｂｉｇ時再食埋個蛋撻．
救命～飽足三日唔駛食飯．
一群生大食積的大學生……………

今天忘了拎相機，唉～影唔到相．
下次再去過啦咁．
好味呀～～～～食～～食～～食～～
變肥豬吧！