◎漢字白話字的差別

　　　　　　　　　　　　　　　　　　　　⊕潘文良

　　所謂（臺語）「白話字」，其實只是將「羅馬拼音字」，當作是「文字」來使用。
　　以「漢文字語系」而言‥字是字、語是語（文字是文字、語言是語言）——
但「白話字」者，會當講‥字即是語（讀音）、語（讀音）即是字。
　　漢文字，是「表意」的字，所以‥同一字，會當有無共的讀音；無共族群的語言，都有無共的讀音。
　　白話字，是「表音」的字，每一個拼音字，只會當有一種讀音——
無共的讀音，著愛用無共的拼音字。
（事實上，同一個拼音字，無共的族群語言，也會有無共的讀音——
　因為‥臺灣，乃至世界，有一寡拼音所用的字母，各族群，發音並無統一故。）
　　以一首唐詩，來作譬喻——

　　　◎靜夜思　　　⊕唐。李白

　　床前明月光，疑是地上霜。
　　舉頭望明月，低頭思故鄉。

　　若是用（臺語）「白話字」來寫‥
　　　　◎chēng-iā-su 　　　　　⊕ton̂g。lí pe̍h
　　chhông-chiân bîng-go̍at-kong, gî-sī tī-siāng-song.
　　kí-thôo bōng-bîng-goa̍t, te-thôo su-kòo-hiong.
　
　　若是用「臺羅拼音」來寫‥
　　　　◎tsīng-iā-su 　　　　　⊕ton̂g。lí pe̍h
　　tshông-tsiân bîng-gua̍t-kong, gî-sī tī-siāng-song.
　　kí-thôo bōng-bîng-gua̍t, te-thôo su-kòo-hiong.
　
　　如是，用漢字寫的《靜夜思》，只要是華人、學過漢字的外國人，都攏總「看有意思」。
　　如是，用白話字寫，就只有學過白話字的台語人，則「看有意思」——
非台語人、無學過的人，著算看「羅馬拼音」，會曉唸，也無一定知影啥意思。
　　如是，用漢字寫——
臺語人，用臺語的讀音去吟唱；客語人，用客語的讀音去吟唱；
華語人，用華語的讀音去吟唱；粵語人，用粵語的讀音去吟唱……
漢文字語系，各族群，攏會當用各族群的讀音去吟唱。
如是，各族群之間——
「我講，你可能聽無，但我寫，你會當看有。」
　　如是用白話字書寫的，對無學過（臺語）白話字的人‥
「你講，別人無一定聽有；你寫，別人也可能看無意思。」
　
　　因為‥臺灣各族群語言，所用的拼音，有一寡拼音所用的字母，各族群，發音並無統一，致使有的同一個拼音字，無共的族群語言，都會有無共的讀音。
比如‥看著地名拼音字〔ka tang〕——
臺語人，讀作〔ㄍㄚ　ㄉㄤ〕；
華語人、客語人，乃至原住民，敢會讀作〔ㄎㄚ　ㄊㄤ〕。
　　按爾生，真正是會鬧笑話啊！
　
　　臺灣有一寡「臺語人」，歸天喊喝‥
「全面去除漢字，改用白話字（羅馬拼音字）！」
　　阿文真正無客氣的「罵」（教訓）𪜶講（華語、臺語濫摻講）‥
「你他媽的！真是一群無志氣的傢伙！
　怎會呣效法韓國，為了擺脫漢文字的束縛，而創製韓語專用的『諺文』呢？
　學越南，捨漢字，而用羅馬拼音字——這有啥了不起的？
　（日本雖創製假名，但猶是有使用漢字——無法徹底擺脫漢文化也！）
　無想要做『漢僕』也罷，而甘願去做『洋奴』耶？
　洋人，敢有較高貴？
　因為‥主子是『洋人』，所以‥『奴才』也就跟著，『高貴』起來了嗎？
　只是‥即使臺語改用，其它『文字符號』去記載——
　難道就會當否定（擺脫）‥『臺語源於閩語』之歷史事實嗎？」
　（原為潘文良《略談民主自由》一文中的回應，此有所增修。）
　
　　臺灣有一寡人，想要發揚家己的文化，但明明是黃皮膚、烏頭鬃，身軀流著祖先的血、喙裡講著祖先的話，卻是串做一寡‥「自我閹割——刨根斷本」的載誌，實在教人看著‥也好氣、也好笑，卻也教人，感覺憤慨、無奈、悲哀！
　
■相關文章
◎潘文良《臺語 統一用字雜談》。2017.10.21.六　21:56:39
　http://mypaper.pchome.com.tw/avun01/post/1373011504
◎潘文良《善用資產》。2018.01.16.二　20:00:00
　http://mypaper.pchome.com.tw/avun01/post/1374429940
◎潘文良《無有風骨》。2020.10.23.五　11:57:00
　https://mypaper.pchome.com.tw/avun01/post/1381865097
◎潘文良《略談民主自由》。2022.06.06.一　10:05:33
　https://mypaper.pchome.com.tw/avun01/post/1381135540
　
============================================================
※本文首發於「新聞台。潘文良著作集」。
◎潘文良《漢字白話字的差別》。2022.08.30.二　05:57:50
　https://mypaper.pchome.com.tw/avun01/post/1381220729
※本文分享於「臺語學院」。2022.08.30.二　06:04:00
　https://www.facebook.com/groups/978821105480673/posts/6050883838274349/
※本文分享於「臺灣話資料交流所」。2022.08.30.二　06:05:00
　https://www.facebook.com/groups/434167333333483/posts/5403529486397218/
※本文分享於「臺語生活社」。2022.08.30.二　06:06:00
　https://www.facebook.com/groups/1524327644503170/posts/3344623545806895/
※本文分享於「母語教學網」。2022.08.30.二　06:07:00
　https://www.facebook.com/groups/317918739507276/posts/757027212263091/
※內存於：我的網站/01/TG/1a06.htm
■標籤：#臺語 #漢字 #白話字 #拼音 #文字 #語言 #表意 #表音 #族群 #發音 #華人 #笑話 #臺灣 #客氣 #志氣