◎行行出總統

　　　　　　　　　　　　　　⊕潘文良

　　二〇二〇年的總統，到底啥人會出來選總統、啥人會當選？
　　國民黨、民進黨、有黨、無黨……豆腐青菜隨人愛。
　　阿文有一個想法，著是‥
二〇二〇年的總統，愛換「台灣原住民」做！
華語人、台語人，攏做過總統啦！
所以，愛換「台灣原住民」做總統——
下一擺，著換「客語人」做；佫下一擺，著換「新住民」做。
　　以後，總統任期，改做一年一任，不得連任。
　　用推舉的方式，只要進行「網路票選」就好——省事省錢。
　　總統只管外交、觀光事業——國防軍事，與國防部參謀總長，共同管理。
　　總統無卸任禮遇金——卸任，著是平民。
　
　　比如‥
　　二〇二〇年的總統，㑑著推舉原住民歌手〈張惠妹〉，來做總統。
　　張惠妹，紅遍台灣大陸，世界各國，逐家攏合意——
所以‥予張惠妹，用「歌聲」來做外交、促進觀光，效果一定好！
　　張惠妹做總統，每日早起、中晝、暗時，攏愛佇「總統府迴廊」，唱歌直播；
另外，錄製「催眠謠、安眠曲」，陪伴逐家入眠。
每個月，去一個觀光地點演唱，按爾生，一定會帶動人潮、促進經濟。
　　以後，也會當換〈阿基師〉做總統。
　　阿基師做總統，會當做「美食外交」，任務著是‥
逐日做好食的臺灣料理，請各國來的外交大使（推銷臺灣的農產品）；
或者，是去周遊列國，舉辦美食大會（推銷臺灣的農產品）。
用好食的臺灣料理，去征服外國人的胃、外國人的心。
按爾生，㑑的邦交國，一定會大大增加。（呣免用「金錢外交」。）
　　嘛會使請〈郭台銘〉，來做總統。
　　因為郭台銘，真會曉做生理，所以‥每日會當開「生意經教學」直播，
教導全國人民，要安怎賺大錢。
如是，台灣著會當成為：世界首富的國家。
　　然後，三百六十行，各行各業，一年推舉一人，輪替做總統——
予各行各業，會當各盡其能，攏有「出頭天」的機會！
　　俗話說‥「行行出狀元。」
　　未來，著會變成‥「行行出總統！」
　
　　　　　　　　　　　　　　　　2019.01.27.日　02:00:00　初稿
　
※本文首舖於新聞台。2019.01.27.日　02:11:02
◎潘文良《行行出總統》。2019.01.27.日　02:00:00
　http://mypaper.pchome.com.tw/avun01/post/1377018368
※本文轉舖於政治笑談。2019.01.27.日　02:14:00
◎潘文良《行行出總統》。2019.01.27.日　02:00:00
　https://www.facebook.com/groups/220244542125363/permalink/220953288721155/
 ■標籤：總統、推舉、三百六十行，行行出總統