最近鐘意黃子華！
這是我近來見到朋友便會說的話。娜娜問我因何喜歡他，我說︰「因為我最近睇《棟篤神探》」

對！近來我喜歡上now.com，考試其間常常上網收睇《棟篤神探》。

喜歡黃子華，是因為他的幽默感！
喜歡黃子華，是因為他有深度！

幽默感跟搞笑是兩馬子的事。幽默是高層次一點！你可以像傻瓜般裝低能、做白痴表情地搞笑，但幽默感，裝傻扮蠢是做不來的！一個好的“搞笑”，只要你面皮厚、不怕醜便可；然而，一個好的幽默笑話，沒有一點點的深度，很難令人由心底裡笑出來。

說香港的搞笑代表，當然是周星馳排第一，黃子華怎樣也追不過他。就像把曱甴叫作小強，都是周星馳所創。但當所有人差不多也忘記時，黃子華又再一次提醒大家，牠叫作小強！黃子華抄周星馳嗎？我不覺得！然而，我卻感覺他倆有相似的地方。

以前的周星馳是搞笑，現在的周星馳是幽默 (至少他嘗試幽默)
黃子華跟現在的周星馳有一點點相同！他倆不會為博觀眾一笑而扭盡六壬地裝傻扮蠢，說些無聊當有趣的話。(不過，曾幾何時，周星馳是這些搞笑的一份子)
說實的，我最支持不了那些無聊當有趣的笑話或搞笑。對不過，我真的不懂欣賞、實在笑不出來！我只覺得很無聊！

黃子華在大學時諗的是哲學。我發現很多他的擁護著也覺得這是令他的棟篤笑與眾不同的原因。然而，我卻覺得，他的不同是因為他的性格、他的思想，諗哲學只是輔助。哲學家是不能教出來的。

他說的笑話，其實很多時都是在諷刺某些人和事。其實諷刺也是幽默之一，被諷刺的人當然不覺好笑，但聽的人卻會會心微笑。諷刺是一門很高深的藝術，做得好才能帶出那點點的黑色幽默，否則便會變做令人討厭的口衰王。

我鐘意諗科學的男生，亦欣賞懂哲學的人。他們這些人的思想都很與眾不同。所以我欣賞黃子華 (哈~哈~好膚淺嘛！但我幾時話過我有深度？哈~哈~)
其實很多時，黃子華只是以不同的角看我們耳熟能詳的事罷了。

也許大家也沒有聽過黃子華的棟篤笑吧，在些讓大家看一些吧！(對是看，因為要睇的話，我也沒有！哈~哈~)

【愛情篇】
白雪公主,幾甘純潔無瑕.
但係諗真o的,白雪公主識得果果個係王子,灰姑娘識果個又係王子;
有個有特殊嚐好，鐘意錫青蛙o既女人錫左隻青蛙一啖，隻青蛙變出黎o既又係王子！
有冇人諗過根本個王子係同個人呢？
根本呢個王子都不知幾花心，周圍溝女 ，仲無良到扮青蛙去溝添！

【男仔篇】
靚仔係唔係真係o甘重要呀？
有o的人話男人唔駛靚仔o既，有才華未得囉！
係，你有冇試過帶你o既才華去落disco識女仔呀？
人地o的靚仔一行入去，唔洗二十分鐘就已經同的女仔互相問問題︰
「你度定我度？」
我帶住我o既才華入到去，幾難先搵到個女仔肯比個機會我，
唔係比機會我交換問題，而係比機會我天才表演。
唱歌跳舞做話劇講大話功夫表演，成套歡樂今宵一個人做一次......

【政治篇】
世界上有乜羞恥得過親娘接返個親生仔返黎,然後同個仔講︰
「阿仔你放心，我地一家兩制架，果個係你大佬！」
“仆街，人地叫你呀！” (同大佬講及打大佬o既頭)
“sorry...sorry...有冇嚇親你呀，唔會發生係你身上，
我地一家兩制家麻，五十年不變！”
你知唔知道一國兩制最偉大既地方係乜呀，
一國兩制最偉大o既地方就係佢地都肯認佢地自己個制真是嚇親人呀！

【金撈篇】
點解要帶金撈？
唔帶勞，有乜資格同人講，時間係寶貴！
我既時間點值錢呀？(你話係唔係先)
o拿！支時針圍住行一個圈，12個鐘，十幾皮野，即係為皮幾野一個鐘。
你一個鐘值幾錢呀？
幾舊水？
我點同你一齊食飯呀？大家時間觀念咁唔同！
唔單止咁，你帶撈，表示你個人有幽默感。
勞力士，有邊個靠勞力搵食o既人帶得起勞力士呀？
越帶勞力士o既人就越表示佢唔洗用勞力！
呢D就叫做幽默感啦！

【自重篇】
當乜野人都唔搵我做野，
我就知道，我係一個偉大o既藝術家，
在生o既時候係唔會獲得應得o既尊重，
唔止咁，我仲偉大過偉大o既藝術家，因為我知道，
我死後都不會受到尊重。

還有很多很多有趣的笑話，不過實在太多。

唔係近排鐘意佢都醒唔記，原來曾經見過佢，仲同佢一齊搭飛機去台灣，仲等佢出境一齊影相！仲要同一日撞佢幾次！唔通我同佢有緣份？哈~~哈~~