經過一年多的戰鬥後，太子面上的爛肉已經好得七七八八啦，而且，係傷口上面不斷生出幼毛，係好既現象 ; 太子係洗面時小心亦亦，唔似以前咁大力抓破，此為一大進步，份屬可喜可賀之象。

爛面典故 :
話說當日係故宮粉嶺名都福臨宮時，因宮廷地方不足，固執太子及豁達公主係用善時時常有意見，口角甚少，出爪卻多，豁達公主因身型輕巧，而且動作有勁有力有速度，時常力挫汀角權力核心既固執太子，太子肥腫萬份又如何可以力敵天生是獵人料子的公主呢 ? 佢憂鬱、佢傷心、佢自暴自棄，雖然得到皇后寵愛屬太易之事，只要不斷扮矇扮Q就可以混過，但身為一只貴價雄性貓來說，輸給一隻不名來歷的家貓始終都不是味兒，心中有點屈辱是可以理解的，否極泰來的日子太遠了，太子抓自己的面來舒發心中的怒火 ……………… 本皇及皇后動用國庫數千元治理，最後全國遷移到大埔汀角重宮才可告一段落。