5月13日 晴
今日好遲先出門口~

--睇fate終於見金皮卡~~正~~

--涼宮舞好鬼難跳

--ZII電影團算是成功了一半,希望下星期可以搞得更好~
可惜真係怕悶親閃光同地場兄..........

今日真係乜都無買~~

5月14日 晴
傳聞過幾日會打風.........咁就會影響我的計劃.......
但打得成八號我又有多o的錢使.......矛盾

仲計緊下星期六舊錢........頭痛........

明日開始返早個半鍾........慘..........無時間啦~~

預算方面又要重新計算.......真頭痛.....

好期待星期六的來臨~~~(想死乎?)

夢-一個奇怪的夢.......
夢到自己在某大型電器店工作........
同事都是未見過的人.........又是預知的夢嗎?

5月15日 晴 一號風球
今日平安渡過........

返早個半鍾好唔習慣.......好鬼眼訓........

回憶.....
自從七歲那年生日,父母離異之後.....
一切都改變了,父親成為母親口中的「壞人」,
家母經常哭泣.......其間達到十年之久.........
對我亦或多或少因為投射作用而帶有恨意.........
由小學到中學的時間......不少日子都活得頗痛苦.......
經常會體驗到自己身為一個小鬼的無力感.....
重要的東西永遠都保護不了.......最喜歡的玩具,最喜歡的寵物.......
兔子,小鳥,金魚都活不長.......自己或多或少都有一點責任.......
但養小雞是我人生中最後的寵物........
回想那天放學回家........養了幾個月的小雞的紙盒不見了.......
換來的卻是一煲雞湯.......當時的情況我已經不太記得.....
只記得........家妹只是在哭........而我則含淚連她的份都渴掉........
和方墨等人談到此事時.........他們都反問我為何能忍受........
只是我記憶中,當時如果不從則要受皮肉之苦而已.......
回想起來........這也許是我這幾年來,不明所以地對家母的湯水感到反胃的理由,
不過和她老人家談過,換來亦只是一句「搵來講」而已.......
也許那一天.......我亦失去了一些自己不知道的重要事物........

5月16日 晴
返早粒半鍾真的攰死人.......再加埋ot就更攰死人..........

萌單旦好想入........好想一套入.........

但預算不足.....慘

今早用了詩帆式「巻き巻き巻き巻き巻き巻き」咒語~
結果颱風真係吹唔正喎.........巻き巻き果然厲害~(笑)

5月17日 雨 三號風球
以為會打風好勁.........
點知只係大風小小加毛毛雨.........
工作算是順利........

巻き巻き的力量果然厲害.........

希望可以星期六搞得成睇戲.......唔使請假........

真係好忙又好攰~

5月18日 晴
打風唔成三日雨........

今次打唔成風.......但竟然咁好太陽
又係呃你唔落現象?

好期待星期六的來臨.........巻き巻き的力量又再一次成功了~

5月19日 晴
好鬼攰.........
加上要搞meetng活動.......無哂力lu.........

o的錢真係計唔掂.........

5月20日 雨
準備了多個星期的大作戰........
事前由籌旗到時間安排加人事聯絡都搞到頭痛.......幸好....作戰成功了.....

一早8:00起身釣fate睇~~
今集幾悶~~
搞一大輪出門口去觀塘集合.......
因為我早到加人人遲到.......結果真係等o佐好耐........
去M記食野........買完野竟然唔記得找錢........
好多數+眼訓搞到個人好亂.......
見到閃光同加山同方墨其他人開始有講有笑真係好開心.....(笑)

因為五羊占美打機而遲到結果又係成班先行部隊行先........
雖然目的應該係打羽毛球.......亦好想打.......
但我更唔想有人無波打悶親~~結果都係打機多過打波(其實亦是我預計之內~)

打完波分兩邊人~~一邊去基地一邊去旺角.......
我估應該係這個時間跌了那八隻NDS GAME的.......
雖然覺得可惜.....但還沒有跌了二百咁遺憾同唔開心.......
畢竟除了炸彈人要結家母玩外.......其他我都無乜想再玩~
(但錢還是錢.........)

到旺角在TK店入了NANOHA同泰沙.......
再幫教皇入o佐隻pvc同訂野.......
最後在信和見到DC本書.......但因為$280和心水價$250相差$30而決定考慮一下
之後行完旺角都唔見第二間有而返回該店見跌價到$250.....真神呀.......
手入後因為仲有錢就入埋NANA畫集~~

之後照計劃去鑽石山食飯睇戲.......點知臨開場前先知資料有錯.......(離哂譜.....)
好彩最後趕回旺角都睇到.......可惜係高高手同飛空艇都脫隊了~~

今日一切計劃都算順利~~
不幸但很開心~

5月21日 雨
好大雨.....落湯雞.........

又一日~~工作普通順利........

ZIII後~~各方墨人都係彈多過讚~
回水~~~~~~~~

教皇大人話.....佢唔係宅~~係因為唔想同o的唔係宅又自稱宅的人相提並論.......
而我就只因為自己唔係宅~~所以唔認!!
以上~~~~~

教皇大人話世上應該沒有因為名字腔........
而我則對「明日香」這個名字有點情意結..........=口=
因為我本來就是一個有主角腔的怪人.........

5月22日 雨
好鬼大雨..........

工作上的自己變得越來越惡質.......
最初出來工作時實在太好人........
現在真是感到自己o的招數越來越毒........

又有saber毛公仔同Nanoha出~~~無lu~

5月23日 雨
今日雨無咁大..........但就係咁轉機.........
轉o佐幾多隻都數唔到........係咁轉.........
A轉B轉C轉返A又轉C........玩到幾乎無飯食........

忙到七彩的一日

5月24日 雨
今日叫好彩先收到工.........

有時會想~我這個人有的只是喜惡之感,
對善惡反而不太執著,因為所謂的善惡,亦不過是一種價值觀,
沒有絕對的善或惡......一百個人就有一百個正義........

我的信念是我相信親眼所見的事物,
但不會強要別人相信......
所以有時就算千夫所指亦不會解釋太多.......
因為我認為就算解釋,別人亦未必理解......
人就是這種生物而已.......

5月25日 晴
工作順利~~
個人好眼訓~~

打完個新番短評好支力~~

我這個人一講動漫畫話題就會停不了........
在公司我倒是經常避免這種情況而裝傻.....
但很多時候的確亦隱藏不了太多.....(成袋漫畫已經.......)

個人真係好眼訓.........
以為醒了其實是白日夢........

5月26日 晴
返工收工~~
無聊的一天~~

泰沙特別篇好好笑.........

5月27日 雨
再看一次泰沙OVA~~
還是一樣咁正!!!

上午在家中大掃除.......
才知原來自己頗喜歡玩/用吸塵機........(笑)

中午出旺角和閃光食下午茶~~
之後行旺角........途中不停地遇見手指人.......
手入回一些早兩星期未有錢入的書~~
如廢棄公主~現視研之類~~
找了很久都找不回本月的Frotier~
直到最後才在太子找到最後一本~
還幫加山入了美亞~~KURURURU~~

臨走前打電話去基地問下人數~~才知上星期遺失了的nds game尋回.......
真係開心地~~由於身上已經無乜錢~~
只好去平時最喜歡光顧的店子買一盒蛋撻請大家食~
還去百佳買一些汽水之類上去~~

點知上到基地先知大家都不太喜歡食蛋撻(苦笑)
談了一回~~回收返一些漫畫書........
臨走時見到NS~展示美亞時給他強行高價收購了........

去到美孚找加山時已經七點八......
閒聊了一會又要趕住走~~
趕回旺角賊船買回最後一隻美亞給加山~~

返到屋企買些汽水回家已經九點.........(本來和家母說八點回家吃飯......)

SOS團入團測試........
http://u-maker.com/232349.html
估不到.......朋友間只有我一個是超能力者........
其他人都是普通人?我才不相信呢!!!!!!!

臨訓前係書柜見到幾隻飛蟻死屍.........
以為有白蟻入侵本部........將全部書檢查一次發覺無乜問題(搞o佐個幾鍾)
問返阿妹先知今日有飛蟻入屋.........