腦裡面不停有一個情景,可以說是一個幻想吧!如果我識畫漫畫我一定會畫呢個幻想出黎!故事係這樣發生...............
一日一個男生(當然我幻想既時候呢個係我啦)如常起身返工,係搭火車既時候佢見到隔離車卡有一個女仔,這個女仔給她一種很好很舒服的感覺,男的忍不住利用在車與車之間的通道偷望佢,呢個時候男生發現原來那女生也偷望他,男的在想究竟是因為她知道自己偷望她所以望返自己還是女的一樣有呢種感覺?就係咁全程車大家不停互相偷望,開始氣氛變得尷尬~就係咁已經過左好多個站,男的在想再不行動對方很可能隨時會落車,之後就鼓起勇氣行過去同對方介紹自己,故事進入高潮,男的主動提出就即刻一齊去海洋公園玩,女生也接受,就係咁一個互不相識既男女係火車發現對方,之後放低工作之類種種規限一齊去左海洋公園玩!
其實係我有一次搭火車真係咁樣偷望人,對方又偷望返我,就係咁大家不停咁望落方,當然我係對佢有興趣先望,而佢可能發現有個傻佬望佢所以佢又望返我,果時突然我真係好有衝動想行過去問佢不如呢家一齊去海洋公園玩,最後因為我細膽係乜都無做