有一晚我同平時一樣地去玩,不過今晚有少少唔同,就係Q小姐無黎到,所以今晚我玩得好放,唔係因為佢唔係到我就可以周圍溝女,而係佢唔係到我就唔洗照顧佢,有同我去過就知我呢個保母係幾咁辛苦~就係咁呢晚我再次high大左,之後我打左個電話比Q.....

我:Q,你可唔可以同我一齊做我女朋友?
Q :你係唔係HIGH大左?
我:係呀,不過我仲係清醒我認真的
Q :好呀
我:你講真?
Q :係呀
我:多謝晒,你早D訓我明日再搵你!
Q :BYEBYE
我:BYEBYE

到左第二日大家又身處係disco到,但我無提過昨晚既電話,因為我始終不太相信你會答應我,但當大家到左一陣後你主動問我記唔記得昨晚high大左之後打過比你,我話有咩?沈默左一陣之後我話我記得,之後我話呢家當比多次機會你,我問多你一次你會點答,你會答我唔好發夢丫,叫我唔好亂諗野丫定係會點,之後你答我話同昨日既答案一樣,我問你真係諗清楚,你話係!之後我話你男友呢,你答我已經無聯絡好耐,雖然我好想知點解但我無追問,就係咁大家就一齊左,不過我唔敢同其他人講,因為我始終無信心而且攪唔清你跟前男友既事!呢段時間我好矛盾,一方面我好開心你答應跟我一齊,另一方面我又接受唔到你真係答應左我!而且係我心中有兩件事我總係好介意,第一係你手機貼左一張你跟前男友既照片,我知道你好鐘意你前男友,會唔會忍心撕掉佢呢?第二係你在電腦既info上寫左一些你跟你前男友既情話,你會唔會改左佢呢?呢一刻你答應跟我一起但如果你無改變呢兩件事既話我係唔會騙自己跟你一起的!我比自己一星期時間,一星期之後如果呢兩件事都無改變就主動提出分開!一星期後係杰仔既生日,這一天我突然問你拿電話,之後一看就發現貼紙已經無了,你知道左我既動機然後同我講”你放心啦,我已經撕左,仲有電腦info既野都會改,但呢幾日無去上網所以未改,我係諗清楚先同你一齊,以前對唔住!遲d你有錢你租間屋大家一齊住,如果我媽返黎我帶你見佢,今次我認真的”聽完之後我發現原來你一早發現左我所介意既事,這一天我跟你拖住手,何身邊所有既朋友說我們開始了!

ps:每次寫”我和Q的故事”時我都要不停回憶起以前既事,雖然當中有好多好多細節無寫出來,但發生既事大致上是這樣的,其實有時我在想我是不是應該不再寫,每次回憶起以前的事都令我好開心但亦令我好失落因為現在已成過去........