5月18~23号
我地终于去左学农..
期待左好耐
因为听讲好好玩..
但系原来实际上都几辛苦..

咩锄草.除草噶课
辛苦都傻左...
D锄头等等噶工具好鬼重..
净系罗尼罗去都搞到我无晒力吖..
不过好彩噶系
我无着短裤..
而且果度D蚊似乎对我无乜兴趣
所以无好似其他人甘比D蚊咬..
其中仲有人比蚊咬完之后只脚肿左...

跟住仲有D**教育课
有D好无聊，无聊到想训觉
不过消防教育课比较好玩...
一开始练习逃生
要经过噶地方有一度系特别低D..
我一个唔小心..撞亲个头
行到出尼，发觉外面竟然有睇到入面情况噶野..
希望无比人睇到......
跟住有得吊住条绳落一楼
原本就要轮到我
点知前面果个被吊住系半空中....
原来系果个仪器坏左..
吓到果个女仔喊左出尼
好彩后尾都无事
不过因为排队果阵女仔优先
所以我地班噶男仔都无得玩..

仲有一堂原本以为会好好玩噶法制教育课
因为有个模拟法庭
点知闷到傻...
之后去玩电脑
不过净系得D同政治有关噶游戏..

到左星期四，终于有得野炊啦
讲左成个钟要求之后，我地就分工合作..
我同雯、雪去左罗野食..
有鸡蛋.番茄.葱.米.萝卜.冬瓜.鸡.*骨等
剩翻3个女去罗炊具
D男噶去罗柴等
我同雯洗左米，就比左刘**煮同睇火
之后洗野、切野省略..
我地要整4菜1汤..
我地组噶大厨系罗*
超佩服距煮野识甘劲..
真系好好食..！
枉我地D女仔几乎都唔识煮野食..
后尼，丘主任（our Maths teacher)帮我地煮左堞
番茄炒蛋..
堞菜噶样就真系...好麻麻
不过..唔可以 以貌取菜
因为D蛋都几好食..
最搞笑噶系丘主任之后尼我地组试野食
竟然话D番茄未熟
我地理直气壮甘同距讲：“系你煮噶喔...”
搞好D菜，我地终于发现
由于多种原因（主要系刘**控制火候唔好）
D饭半焦半熟
结果我地好聪明甘整成左炒饭
尼餐饭系我学农食过最好食噶一餐饭
好满足.

野炊完我同我地组D人去左荡秋千
有人几乎比人荡左出河...（夸张手法，因为真系荡得好高）
几好玩...

最后一日最后一堂课
竟然系担屎...
好臭吖...！！
担左7桶..
搞到腰酸骨痛.


**************************************
讲完D课程，就讲下日常D野

每日6点未够就起床
日日都眼训死吖..

果度噶饭堂唔细，不过每张台噶面积就好细
仲要坐10人..
日日都系刘**分饭、分菜..
其实系我开始果阵见距罗左个装饭噶野
叫距帮我装呢样装果样...
结果演变成距做左吖四
仲有一日，我地无早餐食
颜**整唔见左张饭卡
距话放系床度..结果好似系垃圾桶度稳翻....

最恐怖噶系每日晚上发短信噶时间..
因为不断有人被老师收手机..
有一次仲系我地室噶人..
好彩我系被入面发..所以侥幸逃过一劫.

学农当然仲有好多搞笑噶.值得回味噶野
我就唔一一列举啦..
总之.多谢果D帮左我好多野噶人
我自问唔系果D好刻苦耐劳噶人
所以每次有你地噶帮助
我都觉得好幸福
于是我先觉得学农
虽然几辛苦
不过都几好玩.