8月3日, 老豆的女人正式進駐我家, 今次無黎得上次咁激動, 因為事前老豆有跟我提過; 其實今次對個女人無咁反感既, 因為佢明知我老豆無錢都仲要跟佢, 我亦都有問過老豆, 佢係咪貪有得落黎香港呢? 老豆又話唔係, 話佢一早己有單程証喎! 跟住我就話, 無理由貪你靚仔呀?! 我會用時間觀察, 所以而家暫時對佢仲幾硬!
但我覺得好唔舒服囉, 返到屋企好似自閉咁, 一返黎就入房; 我真係唔識面對佢, 仲覺得自己好阻頂咁, 唉! 如果佢真係對老豆好既, 我接受佢又何妨呢?! 只怕佢hurt老豆咋.
我個人真係比較傳統, 只會承認一個老豆同一個阿媽, 雖然我知道佢地各自都有伴侶, 但最好就唔好比我見囉, 但而家仲要bring埋返屋企, 真係...........整到我都唔想返屋企, 無端端屋企多左個陌生人, 唔識形容呀, 剩係覺得好唔舒服! 我仲未同阿媽同阿哥講, 講完又點呀, 都改變唔到d乜架啦!
佢會唔會走架, 佢會唔會搵野做架, 嘩, 我唔想養埋佢呀, 佢最好比份錢我, 咁樣都公平d, 而家兩份錢供三個人, 好唔滿意囉!!!!!