琴晚去睇BEBE的演出, 佢\既角色係做一個擔泥佬, 估唔到平時斯文既佢\可以做得咁入型入格, 哈, 果然係大個仔啦! 其實我覺自己好幸運, 有一個咁錫自己既細路, 自己同呢個堂細路感情最好, 我諗係因為佢\由細就係我屋企住左三年, 同埋佢\從來都唔會蝦我, 所以自己亦都好錫佢\!
表演後, 去\"譚魚頭\"打邊爐, 見番幾個兒時既玩伴, 全部都係BEBE既表姐妹, 其中同得兒係見得最多, 仲記得以前成日去佢\間豪宅玩, 係, 真係大到你唔信, 暫時仲係我我去過最大既屋企, 三層加一間小屋再加一個可以踏單車既後花園. 隔左咁耐無見, 高左好多, 同時亦都陌生左, 係我眼中佢\都係一個好需要人保護既小妹妹, 見番佢後回憶番好多細個時既野, 以我無記錯, 我地好似一齊沖過涼, 仲加埋BEBE TIM, 哈! 至於樂婷, 我記得佢\係好鍾意拖住我架, 由以前細細粒, 到而家又係高過我, 真係有種歲月催人既感覺.
見到佢\地成個家族, 感情好好, 雖然係有錢人家, 但無半點高傲, 亦無半點紛爭; 相比起自己既家族, 人地真係和諧好多. 好似琴晚走時見到有個乞丐, 個個都即刻比錢佢\, 0個刻即係諗\"好人真係有好報\"架!