【8月1日】
今朝9點幾先訓,1點起身,3點返w.k.s. ymca
今日李sir叫左ade 返黎教我地玩欖球
一班職員同3個leader camp 0既人一齊玩
好難頂...又曬又唔夠訓wor,打波打到想暈...都係第一次
ok,好快捱完,返屋企,訓左半個鍾,食個飯就上體育館打波
死...根本就唔想打冇心打...冇晒火點打
可能0岩0岩訓醒,可能太耐冇打,可能冇動力令我繼續打,可能我諗緊其他野
勁想d時間快d過...唉...浪費左2個鍾...
11點走人,拿拿聲返屋企訓覺,聽日第一日返wks ymca

【8月2日】
7點幾起身,準備好晒,諗住約埋gigi一齊返,點知佢遲到,我冇等佢lu
自己返左ymca,第一日都唔知要做d咩架,睇人做野law
我係負責活動0既,咁我就專注0係球類0個邊啦
洪仔都幾勁呀,好識同小朋友玩,睇佢帶閃避球帶得好好
分姐,我要帶住8個小朋友,有個妹妹叫樂融,成日都攬住我好痴身
又抓上我個身用腳挾住我唔放,又叫哥哥抱抱...
哈哈~~都係第一次遇到lee d妹妹仔,佢又好乖wor
見到我俾d小朋友圍住推我落地又會黎保護我,用手推開d人
見我冇雪糕食又會問我食唔食,未見過d咁細心0既小朋友
5點鍾d小朋友走晒...終於有得休息...
開會開左一陣,gigi仲未走,搵埋佢一齊食晚飯
返黎又同佢一齊諗聽日籃球班0既活動,諗到都幾夜呀!
帶佢去搭車之後我就返屋企喇
返到屋企執下野就訓

【8月3日】
8點半返w.k.s.幫手
今日帶另一班人,lee班小朋友比較靜比較醒,好多野根本唔使點樣講都明
做返尋日0既野,唯一唔同就係今日有floorball玩,幾好玩架,我都玩左一陣
今日gigi都要帶小朋友,夜晚落左籃球場睇下gigi佢地team人
一睇就睇到9點幾...諗住走lu,點知返到office...冇開門
點算...我個袋漏左0係入面...oh...算喇...諗住0係門口等
又悶悶地,所以周圍行,走到泳池見到洪仔,問佢點啦
佢就叫我搵華仔,ok,去63號屋,拎左key,咁0岩gigi又0係屋入面
佢就話陪我一齊返office喇, 聽gigi講返...先知華仔係d咁0既人...
聽佢語氣佢都係唔想同華仔共處架喇...救左gigi一次
拎完野我冇走住呀,坐左一陣再搭車走...very tired...

【8月4日】
今日踩車返wks,好快就返到,不過成身汗
好掛住lee班細路呀,可愛過星期2 0個班
最緊要係樂融都0係到嘛,好有做爸爸feel
今日...帶欖球...d野好唔熟,其實d步驟真係錯晒law,好采有人幫
玩完欖球成個人鬆晒,食下飯又一個上晝
下晝我又帶活動喇,冇諗過會咁急進law...咩晒飛咁...
帶d小朋友篤波wor...講左好多野教左佢地好多...但係都唔知識唔識...
好野,搞惦,d小朋友唔點就走
oh...點知冇人帶樂融走...佢話有朋友個媽咪會接佢
點知對方唔記得左,走左...我即刻抱住樂融飛出去
抱都係唔惦喇,唔夠手力,結果咩住佢跑左幾百米...都幾0係野...
辛苦都唔緊要,點知追唔到...白追...
0個刻真係好擔心樂融...唯有帶佢返禮堂9啦
點知俾人問多兩句...佢喊wor...死...真係唔知點算
平時最聽我話0既佢...都控制唔住喇
好采李sir call返個位媽咪返黎...
今晚冇野做呀...0係wks踩左一陣車就返屋企執屋
預期今晚返ymca游水or同gigo 落街

【想踩車去我的秘密基地】