因為尋日係阿禧生日
玩到26號朝早先返,訓左4個鍾都未夠,8 點幾俾父母嘈醒左
又係咁...大家姐都受左25年喇...我都受左廿年喇
ok,好少事姐,話知佢天跌落黎啦,生活一樣咁樣過
算啦~俾人嘈醒左,點都係喇,唔係太訓得返
落左街拎d野之後又陪家姐去m記坐
無無聊聊又返屋企訓左一陣
都係訓左半個鍾左右啦...好痛苦,又唔知俾乜野嘈聲
睇下recruit啦,睇睇下又訓左,都係半個鍾左右啦
起身~最初想去篤波架,但係唔夠時間呢...
ok,又去海皇食完再出發,次次都係一樣,個個星期6都係做差唔多0既動作
我地小組超多人law,30個人屈埋0係細過4分一間課室0既room入面
好似屈蛇咁又熱又嗅又嘈
分左組喇~我跟嘉敏
「hello~~~未來組長!!!!!!」
返完教會之後一班人入黃金
入到去都好夜喇．．．不過估唔到入到去都未ｓｅｔ野
好啦～阿女生日～切左個蛋糕～ｙｅａｈ！
「ｈａｐｐｙ　ｂｉｒｔｈｄａｙ阿女」
拿拿聲入去搵個位ｓｅｔ野先
「快！快！快！」
ｓｅｔ完野出去玩玩玩
天都黑晒仲０係度打波～
ｓｏｒｒｙ呀阿ｍｕｉ～搞到你個排球甩晒ｄ字～有ｄ內疚
最後我都冇打邊爐，ｅｕｇｅｎｅ買左飯俾我地
ｊｕｓｔ　ａｌｌｒｉｇｈｔ
食完野又玩下訓下睇下星
「原來訓０係水度睇星係好正」
－－－－－－－－－－－－－－－－－－－－－－－－－－－－－－－－
適當的時候我們做了我們應該要做的事
－－－－－－－－－－－－－－－－－－－－－－－－－－－－－－－－
夜晚訓0係沙灘靜靜地唔想講野
「寧靜是世上最美的聲音」
一晚睇到7,8粒流星都算係咁啦
有d好靚有d好暗
睇多一陣都眼訓喇,想訓但又唔想訓
好快就天光天光又玩又想訓
成朝都係得個曬字...
走---搭車都勁想訓,因為驚唔記得落車,都係訓下醒下咁啦...好辛苦
返到屋企就即訓,又係訓下醒下...好辛苦
點都好啦,都捱到6點先醒
----------------------------------------------------------------
為了晚上動盪不安的夢
製造了可靠椅子
渴望日間可得到安穩吧
----------------------------------------------------------------
都唔知點解,日日都滿身酒氣經常都係wingwing地